Կարծում եմ՝ թյուրիմացության արդյունք է, և գործը դատաքննության փուլ չի մտնի. Աբովյանի քաղաքապետը՝ իրեն առաջադրված մեղադրանքի մասին

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Աբովյանի քաղաքապետ Վահագն Գևորգյանն իրեն առաջադրված մեղադրանքը թյուրիմացության արդյունք է համարում: Այս մասին նա ասել է այսօր լրագրողների հետ զրույցում: Վահագն Գևորգյանը, հիշեցնենք, որպես մեղադրյալ ներգրավվել է Քրեական օրենսգրքի 315.2 հոդվածով (պետական կամ համայնքային սեփականություն հանդիսացող հողամասերի ինքնակամ զավթումը, ինչպես նաև շենքերի և շինությունների ինքնակամ կառուցումը կասեցնելու, կանխարգելելու ուղղությամբ օրենքով սահմանված կարգով միջոցներ չձեռնարկելը) նախատեսված առերևույթ հանցավոր արարքները կատարելու համար և նրան առաջադրվել է համապատասխան մեղադրանք։

«Ես չեմ ուզում այս ամենին քաղաքական ենթատեքստ հաղորդել: Կարծում եմ՝ սա թյուրիմացության արդյունք է: Վստահ եմ, որ նույնիսկ դատաքննության փուլ չի մտնի գործը. թյուրիմացության արդյունք է և կճշտվի այս ամենը»,- ասաց Աբովյանի քաղաքապետը:

Վահագն Գևորգյանը լրագրողներին հանդիպման էր հրավիրել Աբովյան քաղաքում՝ նորակառույց բնակելի թաղամասի շինհրապարակում: Ասաց՝ գործում խոսքը հենց այդ հողատարածքի մասին է, որտեղ 19 բազմաբնակարան շենք է կառուցվում: «Մոտ 20 տարի առաջ աճուրդային կարգով հատկացումներ են եղել տարբեր բնակիչների:

«Մուլտի գրուպ» կոնցեռնը ձեռք է բերել այս հողատարածքները և դիմել է քաղաքապետարան՝ բնակելի կառուցապատման ծրագիր իրականացնելու հետ կապված, ինչը մենք ողջունեցինք, որովհետև հետխորհրդային ժամանակաշրջանում՝ մոտ 30 տարի, Աբովյան քաղաքում բնակելի կառուցապատման շինարարություն ընդհանրապես չէր եղել»,- ասաց քաղաքապետը:

Շինարարությունն իրականացնողը, սակայն, ինքնակամ կառուցապատում է իրականացրել: Վահագն Գևորգյանի պնդմամբ՝ արդյունքում կառուցապատողին երկու անգամ վարչական տույժի են ենթարկել. «Մի դեպքում՝ շինաշխատանքներն իր հողում առանց թույլտվության կատարելու համար, մյուս դեպքում՝ համայնքային հող դուրս գալու համար: Հիմա մեղադրանքում նշվում է, որ վարչական ղեկավարի կողմից «Մուլտի գրուպ» կոնցեռնի նկատմամբ տույժ կիրառելը կրել է ձևական բնույթ: Եթե կլինի ՀՀ-ում մի իրավաբան, որը կհիմնավորի կամ կմեկնաբանի, թե ինչ է նշանակում՝ վարչական տույժ կիրառելու ձևական բնույթը, ես ուղղակի չեմ հասկանում… Կարող է՝ գա ժամանակ և պարզվի, որ նույն դատախազության կամ քննչական մարմինների կողմից հարուցված քրեական գործը կրել է ձևական բնույթ»:

Քաղաքապետի խոսքով՝ ինքնակամ շինարարության պարագայում համայնքի ղեկավարը կարող է կա՛մ դիմեկ դատարան՝ քանդման որոշման համար, կա՛մ օրինականացնել շինությունները:

«Որոշում կայացրեցինք չքանդել, որովհետև ծրագիրը լավն է, մենք ինքներս ենք խրախուսել նման ծրագրի իրականացումը Աբովյան համայնքում: Ինչ վերաբերում է համայնքին հասցված վնասին, վնաս, ըստ էության, չկա, որովհետև դեռևս անցյալ տարի «Մուլտի գրուպ»-ը դիմել էր համայնքապետարան, որ եթե նույնիսկ կադաստրային շեղումներ կան, ընկերությունը պատրաստակամություն է հայտնել կադաստրային արժեքի տույժ-տուգանքները վճարել և շենքերն օրինականացնել: Եվ եթե կոնցեռնը չհամաձայներ վճարները կատարել, օրենքի համաձայն՝ այս շենք-շինությունների համար դիմում և ստանում ենք համայնքային սեփականության վկայական: Այսինքն՝ երկու դեպքում էլ անգործության արդյունքում համայնքին տրված վնաս չունենք»,- պարզաբանեց Վահագն Գևորգյանը:

Անդրադառնալով Կոտայքի մարզպետ Ռոմանոս Պետրոսյանի և իր հարաբերություններում լարվածության մասին հարցին՝ Վահագն Գևորգյանն ասաց՝ որևէ անձի հետ լարվածություն չունի, մարզպետի հարաբերություններն աշխատանքային են:

«Ես ունեմ իմ գործառույթները, ես ստացել եմ աբովյանցիների վստահության քվեն, բազմիցս ասել եմ, հիմա էլ ուզում եմ կրկնել: Այսինքն՝ դեմարշ անել ինչ-որ անձի, դեմարշ անել պետական այլ կառույցի… այդ մոտեցումով ուղղակի չես կարող աշխատել, որովհետև սրանք պետական ինստիտուտներ են, որոնք պարտավոր են իրար հետ համագործակցել՝ անկախ նրանից՝ միջանձնային հարաբերություններում իրար սիրո՞ւմ են, թե՞ չեն սիրում»,- ասաց Աբովյանի քաղաքապետը: