Քաղաքականություն
05.03.2020 | 13:16Բռնության քարոզը քրեականացնող օրենքը հում է և թույլ է տալիս եռակի, քառակի ստանդարտներով մոտենալ։ ՀՀ քրեական օրենսգրքում փոփոխություն կատարելու մասին նախագծի քննարկման ժամանակ նման տեսակետ հայտնեց «Բարգավաճ Հայաստան» խմբակցության պատգամավոր Արման Աբովյանը:
«Հիմա ես արդարացնում եմ որոշակի բռնությունը, արդարացնում եմ Սողոմոն Թեհլերյանի կողմից Թալեաթ Փաշայի սպանությունը, հիանում եմ դրանով: Հիմա ես, ըստ այս օրենքի, արդարացնո՞ւմ եմ բռնությունը, թե՞ ոչ»,- ասաց Աբովյանը։
Հիմնական զեկուցող, արդարադատության փոխնախարար Սրբուհի Գալյանն արձագանքեց. «Այո՛, ամեն դեպքում, ձևական տեսանկյունից, Ձեր հարցի պատասխանը «այո»-ն է, բայց արդյո՞ք վարույթն իրականացնող մարմինը կգնահատի այդպես, կարծում եմ՝ վիճելի է։ Ձեր արարքը, որը չի ենթադրում հանրության կողմից բռնության գործադրման հնարավորություն, չի դիտարկվի, կամ կկարճվի»:
Մանրամասները՝ տեսանյութում:
