12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Հինգ անգամ ցուցմունք էր տալիս, ընտրում էին իրենց հարմար ցուցմունքը, ասում էին դատեք․ Նիկոլայ Բաղդասարյան. ՏԵՍԱՆՅՈՒԹ
Հասարակություն
05.03.2020 | 12:12
ԱԺ-ում քննարկվող ՀՀ քրեական դատավարության օրենսգրքում փոփոխություններ կատարելու մասին նախագծով առաջարկվում է քննչական գործողություններ կատարելու ժամանակ որոշ դեպքերում հարցաքննության արձանագրությունը կատարել ոչ թե տեքստային, այլ տեսաձայնագրության միջոցով։
«Իմ քայլը» խմբակցության պատգամավոր Կնյազ Հասանովը Նիկոլայ Բաղդասարյանին հարցրեց՝ ի՞նչ է լինելու, եթե անձը չի ցանկանում այդ կարգով հարցաքննվել. «Ի՞նչ է լինելու այդ դեպքում»։
«Մենք նախատեսել ենք, որ դուք իրավունք ունեք տեսաձայնագրման հնարավորությունից հրաժարվել, հետևաբար՝ վերադառնում ենք հին կարգին։ Եթե նոր Քրեական օրենսգրքով այլ ընթացակարգ նախատեսվի, մեր գործընկերներն այնպես կանեն, որ նաև կանցնենք այն ընթացակարգին, որ ոչ թե մինչդատական վարույթում ձեռք բերվող ապացույցները կարող են հրապարակվել դատաքննության ժամանակ, այլ վկայի կամ տուժողի՝ դատարանում տված ցուցմունքները միայն հիմք կլինի»,- նշեց պատգամավորը։
Նա ընդգծեց, որ խորհրդային ժամանակաշրջանում շատ ընդունված էր, որ մի խոստովանական ցուցմունք էին կորզում, և դա վճռորոշ էր դատավճռի համար. «Ցավոք՝ մեզանում էլ է այդ իրավիճակը պահպանվել, վերջին ժամանակները չգիտեմ, բայց երբ ես փաստաբան էի, մարդը հինգ անգամ ցուցմունք էր տալիս, ընտրում էին իրենց հարմար ցուցմունքը, ասում էին դատեք, ասում էինք՝ բա էն 4 ցուցմունքը, ասում էին՝ սա է արժանահավատ»։
Մանրամասները՝ տեսանյութում:
