21.04.2026 | 10:10
Հրդեհ ավտոմեքենայում․ կա տուժած
Միջի՞ն տարիքի դատավորներից են ավելի գոհ, թե՞ ցածր տարիքի․ հարցրե՛ք ցանկացած փաստաբանի․ Ս․ Գրիգորյան. ՏԵՍԱՆՅՈՒԹ
Քաղաքականություն
04.03.2020 | 13:24
Ոչ ոք չի ասում, որ դատավորների կենսափորձը կարևոր չէ, բայց պետք է հասկանալ` մենք ինչ ժամանակաշրջանում ենք ապրում։ ԱԺ-ում «ՀՀ դատական օրենսգիրք» սահմանադրական օրենքում փոփոխություններ և լրացումներ կատարելու մասին» և կից ներկայացված օրենքների նախագծերի փաթեթի քննարկման ժամանակ անդրադառնալով դատավորների տարիքային շեմը նվազեցնելու հարցին՝ ասաց «Իմ քայլը» խմբակցության պատգամավոր Սուրեն Գրիգորյանը։
«Մենք այս պահին չունենք ստանդարտ իրավիճակ: Այսօր ցանկացած փաստաբանի հարցրեք՝ բա՞րձր տարիքի դատավորներից են ավելի գոհ, թե՞ ավելի երիտասարդ: Չի կարող լինել հարցի պատասխանը, որ ավելի շատ գոհ են բարձր տարիքով դատավորներից: Չի կարող, որովհետև դա ուղղակի այդպես չէ»,- նշեց Գրիգորյանը:
Պատգամավորը նաև անդրադարձավ «Լուսավոր Հայաստան» խմբակցության ղեկավար Էդմոնդ Մարուքյանի պնդմանը, թե իշխանությունները նախկինում ասել են՝ բոլոր դատավորները կոռումպացված են, հետո հետ կանգնել իրենց խոսքից։
«Հղում տվեք ինձ, որտե՞ղ է իշխանության որևէ ներկայացուչիչը նման բան ասել։ Վերջը կտա՞ք այդ հղումը, թե մենք ամեն անգամ լսենք, որ նման բան է ասվել և, ի վերջո, հասկանանք՝ երբ է ասվել և ում կողմից»,- ասաց իշխանական պատգամավորը:
Մանրամասները՝ տեսանյութում:
