07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Ինչո՞ւ իշխանական էլիտան Հոկտեմբերի 27-ի զոհերի շիրիմներին երբևէ չի այցելել. «Հրապարակ»
28.10.2017 | 09:48
«Հրապարակ» օրաթերթը գրում է.
«Հոկտեմբերի 27-ի առթիվ երկրի առաջին դեմքերը՝ նախագահ, վարչապետ, ԱԺ նախագահ, որպես կանոն, չեն այցելում Պանթեոն եւ Եռաբլուր։ Պանթեոն այցելում են, օրինակ, Անդրանիկ Մարգարյանի մահվան կամ ծննդյան օրը՝ էլիտան ողջ կազմով այնտեղ է լինում։ Իշխանական մեր աղբյուրը սրան յուրօրինակ բացատրություն է տալիս․ «Որովհետեւ իրենք բոլորն Անդրանիկ Մարգարյանի օրոք են հարստացել-կայացել, նա լավ մարդ էր, ոչ մեկին չէր մերժում, ով ինչ ուզում էր, տալիս էր»։
Այստեղ կարեւորը նաեւ Անդրանիկ Մարգարյանի որդու՝ Տարոն Մարգարյանի կարգավիճակն է ու նրա նկատմամբ վերաբերմունքը։ Իսկ հոկտեմբերի 27-ի զոհերի հարազատներն ու ժառանգներն ովքե՞ր են՝ ընդդիմադիրներ, ինչպես Արամ Սարգսյանն ու Ստեփան Դեմիրճյանը, ամենաշատը՝ դպրոցի տնօրեն, ինչպես ազատամարտիկ Արմենակ Արմենակյանի կինը»:
Մանրամասները՝ թերթի այսօրվա համարում:
