20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Ո՞նց մաքրենք, բերե՛ք մաքրելու լավ տարբերակ, ընդունենք․ նախարարը՝ դատական համակարգի մասին. ՏԵՍԱՆՅՈՒԹ
Հասարակություն
04.03.2020 | 13:05
Ազգային ժողովում «ՀՀ դատական օրենսգիրք» սահմանադրական օրենքում փոփոխություններ և լրացումներ կատարելու մասին» և կից ներկայացված օրենքների նախագծերի փաթեթի քննարկման ժամանակ արդարադատության նախարար Ռուստամ Բադասյանն անդրադարձավ «Լուսավոր Հայաստան» խմբակցության պատգամավորների հնչեցրած կարծիքին, որ այս նախագծով դատավորների կախյալություն է ստեղծվում:
Ի պատասխան՝ նախարարը նույնպես հարցեր տվեց. «Ո՞ր մարմնից, Էթիկայի և կարգապահական հարցերի հանձնաժողովի՞ց, որտեղ բացարձակ մեծամասնությունը դատավորներ են, ԲԴԽ-ի՞ց, որտեղ 5 դատավոր անդամ կա և սահմանադրական մարմին է, ուսումնական հարցերի հանձնաժողովի՞ց, որտեղ գերակշիռը մասը դատավորներ են… ի՞նչ ենք մենք ուզում սրանով ասել, էլ ո՞նց է կախյալ, ումի՞ց է կախյալ»։
Ռուստամ Բադասյանը նաև անդրադարձավ դիտարկմանը, թե մինչև առաջարկվող փոփոխությունները պետք է դատական համակարգը զտել:
«Ասում եք՝ կարող էր ավելի կոշտ լինել նախագիծը, պետք է մաքրեք… Ո՞նց մաքրենք, ո՞ւմ մաքրենք։ Հա՛մ խոսում եք դատական համակարգի անկախությունից, հա՛մ դատավորների արժանապատվությունից, շատ գեղեցիկ խոսքեր եք վկայակոչում Հունաստանից, Հին Հռոմից, հետո ասում եք՝ մաքրեք: Ո՞նց մաքրեք։ Բերեք ձեր այն տարբերակը, որն ավելի խիստ է, լուծում է դատական համակարգի առջև ծառացած խնդիրները, մենք կընդունենք: Բայց մի պայման կա, պետք է չհակասի Սահմանադրությանը»,- նշեց նախարարը։
Մանրամասները՝ տեսանյութում։
