16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
«Բա բոլոր դատավորները կոռումպացված էին, էդ ի՞նչ եղավ»․ Էդմոն Մարուքյան. ՏԵՍԱՆՅՈՒԹ
Հասարակություն
04.03.2020 | 11:46
Ի՞նչ եղավ հայտարարված վեթինգի հետ, և ինչպե՞ս են ստուգվելու դատավորների բարեվարքությունը: ԱԺ-ում «ՀՀ դատական օրենսգիրք» սահմանադրական օրենքում փոփոխություններ և լրացումներ կատարելու մասին օրինագծի քննարկման ժամանակ իշխանության ներկայացուցիչներին նման հարց ուղղեց «Լուսավոր Հայաստան» խմբակցության ղեկավար Էդմոն Մարուքյանը:
«Եղան ելույթներ, որ կոռուպցիայի կանխարգելման հանձնաժողովը ստուգում է դատավորների բարեվարքությունը, հիմա հարց` հանձնաժողովը ստուգո՞ւմ է դատավորների բարեվարքությունը: Ո՛չ, որովհետև եղած դատավորների բարեվարքությունը չի ստուգել, այլ ստուգում է հայտարարագրերը, որոնք մաթեմատիկական ճշգրտությամբ թվեր են: Գործող դատավորներ կան, գիտեք՝ ինչ գումարներ են հայտարարագրել»,- նշեց պատգամավորը։
Մարուքյանը նաև հիշեցրեց կոռումպացված դատավորների մասին իշխանության ներկայացուցիչների հայտարարությունները:
«Հեղափոխությունից հետո ասում էին՝ բոլոր դատավորները կոռումպացված են, հիմա ասում եք՝ դե մի 10 տոկոս դատավորներ կան։ Բա բոլոր դատավորները կոռումպացված էին, էդ ի՞նչ եղավ»,- ասաց ԼՀԿ ղեկավարը:
Մանրամասները՝ տեսանյութում:
