19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Չե՞ք կարծում՝ դատավորների նկատմամբ քրեական հետապնդում իրականացնելը խիստ պատասխանատու է․ Սիսակ Գաբրիելյան. ՏԵՍԱՆՅՈՒԹ
Հասարակություն
03.03.2020 | 16:49
«Դատական օրենսգիրք» սահմանադրական օրենքում փոփոխություններ և լրացումներ կատարելու մասին օրենքի քննարկման ժամանակ «Իմ քայլը» խմբակցության պատգամավոր Սիսակ Գաբրիելյանն արդարադատության փոխնախարար Ռուստամ Բադասյանին հարցրեց՝ արդյո՞ք նպատակահարմար է ՀՀ գլխավոր դատախազին տալ դատավորների նկատմամբ քրեական հետապնդման միջնորդություն ներկայացնելու լիազորություն։
«Դատավորի նկատմամբ քրեական հետապնդում իրականացնելու իրավունքը տրվում է նաև ՀՀ գլխավոր դատախազի տեղակալներին։ Չե՞ք կարծում, որ դատավորների նկատմամբ քրեական հետապնդում իրականացնելը բավականին պատասխանատու է ու երբեմն դիտարկվում է մեկ իշխանության կողմից մյուսի նկատմամբ հետապնդում: Հետևաբար՝ ավելի ճիշտ չէ՞ր լինի, որ միայն գլխավոր դատախազը նման միջնորդությամբ գար խորհրդարան»,- հարցրեց Գաբրիելյանը:
Նախարարը նշեց, որ այդ հարցում որևէ խնդիր չի տեսնում. «Գլխավոր դատախազը կարող է ուղղակի գործուղման լինել, աշխատանքի կազմակերպման տարրական կանոն է։ Միևնույն է՝ ԲԴԽ-ն է միջնորդությունը քննելու, և տեղակալը որևէ սկզբունք չի խախտում, եթե այդ բացառիկ դեպքերում ինքը հանդես գա նման միջնորդություններով»։
Մանրամասները՝ տեսանյութում:
