Հասարակություն
03.03.2020 | 12:04ԱԺ-ն քննարկում է Կառավարության կողմից ներկայացված ՀՀ պետական պարգևների և պատվավոր կոչումների մասին օրենքում լրացում կատարելու մասին օրենքի նախագիծը՝ առաջին ընթերցմամբ ընդունելու համար:
Նախագծով առաջարկվում է ծնողական փառքի մեդալով պարգևատրված անձանց հատկացնել ամենամսյա պարգևավճար։
«Լուսավոր Հայաստան» խմբակցության պատգամավոր Մանե Թանդիլյանն իր ելույթում նշեց, որ մինչև այժմ չկա հստակ ձևակերպում, թե որն է բազմազավակ ընտանիքը։ Պատգամավորն ասաց՝ 3 ամիս ժամանակ է տալիս նախարարությանը՝ սա հստակեցնելու համար։
«Այստեղ շեշտում ենք բազմազավակ ընտանիք եզրույթը, սակայն ամեն մեկդ մի բան եք պատկերացնում բազմազավակ ընտանիք ասելով։ Ինչո՞ւ, որովհետև այդ օրենքը ամիսներով, տարիներով դրված է դարակներում, և ես պնդում եմ, պարո՛ն Ուդումյան, Դուք ունեք 3 ամիս ժամանակ՝ բազմազավակ ընտանիքների մասին օրենքը Ազգային ժողով բերելու համար, այլապես դա կանենք մենք»,- նշեց Թանդիլյանը։
Մանրամասները՝ տեսանյութում:
