20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Դա մեծ բեռ է դառնալու հանրային պաշտպանի գրասենյակի համար, սա քննարկե՞լ եք․ Սամսոնյանը՝ Բագրատյանին. ՏԵՍԱՆՅՈՒԹ
Հասարակություն
02.03.2020 | 14:05
Մարդու իրավունքների պաշտպանության և հանրային հարցերի հանձնաժողովը բացասական եզրակացություն տվեց Փաստաբանության մասին ՀՀ օրենքում լրացում կատարելու մասին օրենքի նախագծին։ Նախագծով, մասնավորապես, առաջարկվում էր հանրային պաշտպանի ծառայություն տրամադրել նաև մինչև 24 մլն դրամի շրջանառություն ունեցող փոքր բիզնեսին։
Նախագիծը ներկայացրած «Բարգավաճ Հայաստան» խմբակցության պատգամավոր Սերգեյ Բագրատյանը նշեց, որ նախնական տարբերակից հետո, որը բացասական եզրակացության է արժանացել Կառավարության կողմից, նախագծում էական փոփոխություններ են արվել։ Մասնավորապես, 50 մլն դրամիի շեմն իջեցվել է՝ հասցվելով 24 մլն-ի։ Սերգեյ Բագրատյանի խոսքով՝ առաջարկն ուղղված է փոքր բիզնեսի շահերի պաշտպանությանը։
«Լուսավոր Հայաստան» խմբակցության պատգամավոր Անի Սամսոնյանը հարց ուղղեց՝ արդյո՞ք հանրային պաշտպանի գրասենյակում աշխատող փաստաբանների թիվը բավական է նման փոփոխության համար, և արդյո՞ք հարցը քննարկվել է այս տեսանկյունից։
Ի պատասխան՝ Բագրատյանը նշեց, որ ունենք լիցենզավորված 2500 փաստաբան, ովքեր ապահովված չեն աշխատանքով, և սա լավ հնարավորություն է հանրային պաշտպանի գրասենյակի փաստաբանների թիվն ավելացնելու։
Մանրամասները՝ տեսանյութում:
