15.07.2026 | 11:50
Մեղրաշատում կաթնամթերքի արտադրամասի գործունեություն է կասեցվել. ՍԱՏՄ
Մոսկվան ողջունում Է ԼՂ բանակցություններն աշխուժացնելու Բաքվի և Երևանի պատրաստակամությունը. Մարիա Զախարովա
Քաղաքականություն
26.10.2017 | 17:36
Ռուսաստանը ողջունում Է ԼՂ հակամարտության կարգավորման բանակցային գործընթացն ակտիվացնելու Հայաստանի և Ադրբեջանի պատրաստակամությունը: Այդ մասին Մոսկվայում կայացած ճեպազրույցի ժամանակ հայտարարել Է Ռուսաստանի ԱԳ նախարարության տեղեկատվության և մամուլի դեպարտամենտի տնօրեն Մարիա Զախարովան՝ մեկնաբանելով Հայաստանի և Ադրբեջանի նախագահների ժնևյան հանդիպման արդյունքները. տեղեկացնում է tass.ru-ն:
«Մենք ողջունում են կողմերի՝ բանակցային գործընթացն ակտիվացնելու և շփման գծում լարվածությունը թուլացնելու համար լրացուցիչ քայլեր ձեռնարկելու պատրաստակամությունը,- ասել է Զախարովան:- Մենք պաշտպանում ենք ԵԱՀԿ Մինսկի խմբի համանախագահների ջանքերը, որոնք այժմ մշակում են Ադրբեջանի և Հայաստանի ԱԳ նախարարների հերթական հանդիպման անցկացման հետ կապված հարցերը՝ կարգավորման առանցքային հարցերի և իրադրության կայունացմանն ուղղված հնարավոր միջոցների քննարկման համար»:
Միևնույն ժամանակ, ՌԴ ԱԳՆ պաշտոնական ներկայացուցիչը ափսոսանք Է հայտնել, որ «հակամարտության գոտում իրադրությունը մնում Է լարված»:
«Կոչ ենք անում Բաքվին և Երևանին՝ կառուցողական մոտեցում դրսևորել չլուծված հարցերի հանգուցալուծումը գտնելու համար»,- ընդգծել Է Զախարովան:
