24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Իրաքը մերժել է Քրդստանի անկախության հանրաքվեն սառեցնելու մասին Բարզանիի առաջարկը
Քաղաքականություն
26.10.2017 | 17:05
Իրաքյան Քրդստանի ղեկավար Մասութ Բարզանին Իրաքի վարչապետին հայտնել է, որ լարված իրավիճակը մեղմելու համար իրենք պատրաստ են սառեցնել սեպտեմբերի 25-ին Քուրդիստանում տեղի ունեցած հանրաքվեի արդյունքները:
Ըստ թուրքական «Haberler» լրատվամիջոցի՝ Իրաքի վարչապետ Հայդար Իբադին մերժել է այդ առաջարկը, նշելով, որ հանրաքվեն ոչ թե պետք է սառեցվի, այլ ամբողջովին չեղարկվի. փոխանցում է ermenihaber-ը:
Թեմայի հետ կապված խոսել է Թուրքիայի Եվրամիության հարցերով նախարար և գլխավոր բանագնաց Օմեր Չելիքը: Վերջինս մասնավորապես ասել է, որ այդ քայլը ամբողջովին մարտավարական նշանակություն ուներ: Ըստ նրա՝ էական նշանակություն չունի հանրաքվեն կսառեցվի, թե ոչ:
Թուրքական աղբյուրը հիշեցնում է, որ Քրդստանի ղեկավարությունից հանրաքվեի սառեցման վերաբերյալ հայտարարություն էր արվել.
«Իրաքի կենտրոնական կառավարության և քրդական տարածաշրջանի ղեկավարության միջև Իրաքի սահմանադրության վրա հիմնված երկխոսություն սկսելու նպատակով սառեցնում ենք սեպտեմբերի 25-ին անցկացված հանրաքվեի արդյունքները»:
Հիշեցվում է նաև, որ Բարզանիի՝ հանրաքվեն սառեցնելու վերաբերյալ հայտարարությանը, անդրադարձել էր Թուրքիայի վարչապետ Բինալի Յըլդըրըմը: Վերջինս մասնավորապես ասել էր.
«Լավ, եթե պետք է հետքայլ անեիր, ինչու՞ չլսեցիր ձեզ տարիներ շարունակ հովանավորող Թուրքիային: Ինչևիցե արված սխալն ուղղվեց Բաղդադի կողմից»:
