15.12.2025 | 20:00
«Նոա»-ն` պատմական նվաճման շեմին․ ինչ սպասել հաջորդ խաղերում․ զրույց Էդուարդ Քալանթարյանի հետ. ՏԵՍԱՆՅՈՒԹ
Մարզային դատարաններին պետք է թույլատրել քննել օպերատիվ միջոցառումների միջնորդությունները․ ՔԿ առաջարկը. ՏԵՍԱՆՅՈՒԹ
Հասարակություն
25.02.2020 | 13:02
Հայաստանում կան հեռավոր մարզեր, որոնց դեպքում Երևան հասնելը և օպերատիվ միջոցառման համար դատարան դիմելը բավականին ժամանակատար է լինում, իսկ օպերատիվ միջոցառումները երբեմն հրատապություն են պահանջում: Դատական օրենսգրքի փոփոխություններին նվիրված խորհրդարանական լսումների ժամանակ արդարադատության նախարարին այս խնդիրը ներկայացրեց Քննչական կոմիտեի ներկայացուցիչ Արսեն Այվազյանը:
«Կարծում եմ, սա առաջարկ է, իհարկե, մարզերի դատարաններին ևս պետք է թույլատրել քննել օպերատիվ-հետախուզական միջոցառումների հետ կապված միջնորդությունները: Եթե լինեի մարզի դատավոր, կմտածեի՝ իսկ ինչո՞ւ մենք չենք կարող նման միջնորդություններ քննարկել, իսկ Երևանի դատավորը՝ կարող է»,- հավելեց Արսեն Այվազյանը:
Նախարար Ռուստամ Բադասյանն ասաց՝ Կառավարության դիրքորոշումն այն է, որ «մենք վստահում ենք բոլոր դատավորներին»:
«Որոշել ենք այս հարցում փուլ առ փուլ առաջ գնալ. սկզբում ընդլայնել շրջանակն ամբողջ Երևանով, իսկ հետո ամբողջ հանրապետության տարածքում»,- նշեց նա:
Մանրամասները՝ տեսանյութում:
