10.08.2026 | 13:59
Շահանե Մնացականյանը նշանակվել է ՀՀ առողջապահության նախարարի տեղակալ
5 որոշում՝ վարչական տույժ կիրառելու մասին, գործարկման 12 մերժում. հասանելի է էներգետիկայի բնագավառի 2020 թ. հունվար ամսվա հաշվետվությունը
Տնտեսություն
24.02.2020 | 12:00
ՀՀ Քաղաքաշինության, տեխնիկական և հրդեհային անվտանգության տեսչական մարմնի իրազեկման, խորհրդատվության և հանրության հետ տարվող աշխատանքների բաժնից տեղեկացնում են, որ 2020 թվականի մեկ ամսվա ընթացքում էներգետիկայի և էներգասպառման անվտանգության բնագավառում մասնագետների կողմից իրականացվել է տարեկան ծրագրով նախատեսված 11 ստուգում, որից 3-ը Երևանում, 2-ը Սյունիքի և մեկական՝ Շիրակի, Լոռու, Գեղարքունիքի, Կոտայքի, Արարատի և Վայոց ձորի մարզերում։
«ՀՀ տարածքում տեղակայված 6 կՎ և բարձր լարման էլեկտրաէներգետիկական և միջին ու բարձր ճնշման գազամատակարարման համակարգերում՝ տնտեսվարող սուբյեկտների դիմումների հիման վրա, նոր կառուցված և վերակառուցված էներգատեղակայանքներում իրականացվել են 83 տեխնիկական ստուգումներ, որից 24-ը՝ (29%) էլեկտրաէներգետիկական համակարգում և 59-ը՝ (71%) գազամատակարարման համակարգում:
Արդյունքում տրվել է 71 (85.54%) գործարկման եզրակացություն, իսկ 12 (14․46%) տեղակայանքների գործարկումները՝ նախագծի և տեխնիկական կանոնակարգերի պահանջներին անհամապատասխանության, թերի շինարարական աշխատանքների և ներկայացված տեխնիկական փաստաթղթերի ոչ ամբողջականության համար ակտ-կարգադրագրերով մերժվել են։
Էներգատեղակայանքներում տեղի են ունեցել 1 մահվան ելքով պատահար։ 3 պատահարների վերաբերյալ ՀՀ կառավարության սահմանած կարգով կազմակերպվել և իրականացվել են մասնագիտական քննություններ, ընդ որում 1-ը Լոռու, 1-ը Սյունիքի մարզերում և ևս 1-ը Տավուշի մարզում:
Իրականացված վերահսկողական գործառույթների ընթացքում էներգետիկայի օրենսդրության պահանջների կատարման նկատմամբ հայտնաբերված խախտումների վերաբերյալ կայացվել է 5 որոշում՝ վարչական տույժ կիրառելու մասին։
Տարածքային ստորաբաժանումների համապատասխան մասնագետների կողմից խորհրդատվական և իրազեկող հանդիպումներ են կազմակերպվել ՀՀ Արարատի և Լոռու մարզերում:
