09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Մեկնարկել են հանրապետական ուսանողական մարզական խաղերի ծրագրով անցկացվող վոյելբոլի մրցումները
26.10.2017 | 14:20
Մեկնարկել են ՀՀ սպորտի և երիտասարդության հարցերի նախարարության կողմից անցկացվող «Հանրապետական ուսանողական մարզական խաղեր» ծրագրով անցկացվող վոյելբոլի մրցումները, որոնք ընթանում են Երևանի պետական համալսարանի մարզադահլիճում:
Վոլեյբոլի մրցումներին մասնակցելու հայտ են ներկայացրել Երևանում գործող բարձրագույն ուսումնական հաստատությունների 11, ինչպես նաև Շիրակի, Վանաձորի, Գավառի և Արցախի պետական համալսարանների թիմերը:
Առաջինը մրցասպարեզ են դուրս եկել աղջիկներից՝ Երևանի Մխիթար Հերացու անվան պետական բժշկական համալսարանի և Վալերի Բրյուսովի անվան լեզվահասարակագիտական համալսարանի, իսկ տղաներից՝ Հայաստանի ազգային պոլիտեխնիկական համալսարանի և Ճարտարապետության և շինարարության Հայաստանի ազգային համալսարանի թիմերը:
Տեղեկացնենք, որ հանրապետական ուսանողական մարզական խաղերի ծրագրում ընդգրկված են վոլեյբոլ, հնգամարտ ատլետիկական (տղաներ՝ վազք 1000 մ, վազք 100 մ, հեռացատկ տեղից, ձգումներ պտտաձողից և գնդակի նետում, աղջիկներ՝ վազք 500 մ, վազք 60 մ, հեռացատկ տեղից, ձեռքերի ծալում և ուղղում պառկած դրությունից և գնդակի նետում), ուժային եռամարտ, ֆուտզալ, բասկետբոլ և հրաձգություն մարզաձևերը:
Խաղերը մեկնարկել են հոկտեմբեր ամսին հնգամարտի մրցաշարով և կեզրափակվեն բասկետբոլի մրցումներով, որոնք տեղի կունենան նոյեմբերի 27-ից մինչև 31-ը:
