28.11.2024 | 19:52
«Ես կանկրետնի առաջադրվելու եմ, դանակը օսկորին է հասել»․ Վարդան Ղուկասյան
Աֆղանստանում կեսգիշերից կգործի բռնության մակարդակի նվազման ռեժիմը. «Թալիբան»-ը կդադարեցնի հարձակումները
Քաղաքականություն
21.02.2020 | 12:25
Աֆղանստանի իշխանություններն ու «Թալիբան» ծայրահեղական շարժումը պայմանավորվել են երկրում բռնության մակարդակի նվազման մասին, որն ուժի մեջ կմտնի այսօր կեսգիշերին: Այս մասին գրում է ՏԱՍՍ-ը՝ վկայակոչելով TOLOnews-ը:
«Ռեժիմը կգործի կեսգիշերից, և Աֆղանստանի կառավարությունը պատրաստ է օգտվել այդ հնարավորությունից»,- նշել է երկրի Ազգային անվտանգության խորհրդի ներկայացուցիչը:
Նշվում է, որ «Թալիբան»-ը պարտավորվել է դադարեցնել հարձակումները քաղաքների, ավտոմայրուղիների, աֆղանական և ամերիկյան ռազմաբազաների վրա:
Հինգշաբթի «Թալիբան» շարժումը հայտարարել էր, որ շուտով ԱՄՆ իշխանությունների հետ վերջնական համաձայնության կգա Աֆղանստանում բռնության մակարդակի նվազման շուրջ, ինչը հետագայում թույլ կտա դուրս բերել երկրից բոլոր օտարերկրյա զորքերը: Փետրվարի 13-ին էլ ԱՄՆ նախագահ Դոնալդ Թրամփն էլ հայտնել, որ Վաշինգտոնն ու «Թալիբան»-ը շուտով կարող են հայտարարել համաձայնության մասին՝ հավելելով, որ ԱՄՆ-ն կցանկանար «իր զինվորականներին տուն բերել Աֆղանստանից»:
