15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
«Դավիթ Գարեջին Վրաստան է». նոր զարգացումներ
Քաղաքականություն
20.02.2020 | 22:52
Նախօրեից վրաց հոգևորականներն ահազանգում են՝ Դավիթ Գարեջիում ադրբեջանական կողմը վրացական մենաստաններում փոփոխություններ է անում՝ մաքրում է վրացական հետքը, տեղադրում ադրբեջանական ենթակառուցվածքներ. գրում է aliq.ge-ն:
Այս մասին ֆեյսբուք սոցիալական ցանցում գրառում էր կատարել Վիտալի Ղվինիաշվիլին՝ հայր Վիտալին: Վերջինս կից ներկայացրել է նաև լուսանկարներ՝ հավելելով, թե «Գարեջին Վրաստան է»:
«Ալիք մեդիայի» հետ զրույցում հայր Վիտալին նշեց, որ վաղը Դավիթ Գարեջիի պաշտպանության խումբը ծրագրում է հավաք անցկացնել, ինչից հետո պարզ կդառնան հետագա քայլերը:
Այսօր՝ փետրվարի 20-ին, ծրագրվում է հոգևորականների այցը վանական համալիր, ինչից հետո նրանք կհայտարարեն հետագա քայլերի մասին: Գրառումներից մեկում հայր Վիտալին ասում է՝ մի քանի օրվա ընթացքում կկազմակերպենք ժողովրդական քայլերթ դեպի Գարեջի, որտեղ կմիավորվեն բոլորը:
Սոցիալական ցանցերում տարածված տեղեկատվության համաձայն ադրբեջանական կողմը Դավիթ Գարեջիից հետո փորձում է զավթել հարակից Ուդաբնո գյուղը, որտեղ հովիվները արածեցնում են ոչխարներին:
Նշենք, որ հարցի հետ կապված պաշտոնական հայտարարություն դեռևս չկա:
