24.02.2026 | 11:49
Թբիլիսի-Երևան մարդատար գնացքով փորձել են ներկրել մաքսային հսկողությունից թաքցված 45.5 կգ դեղորայք․ ՊԵԿ
Խտրականությունը պետք է մերժվի սահմանադրական մակարդակով․ Լարիսա Մինասյան. ՏԵՍԱՆՅՈՒԹ
Հասարակություն
20.02.2020 | 17:37
Խտրականությունը պետք է մերժվի և պետք է մերժվի գործնական ձևով՝ սահմանադրական մակարդակով։ «Սահմանադրական փոփոխությունները Հայաստանում. քաղաքացիական հասարակության դիրքորոշումները» խորագրով հանրային քննարկմանը կարծիք հայտնեց «Բաց հասարակության հիմնադրամներ – Հայաստանի» գործադիր տնօրեն Լարիսա Մինասյանը։
«Կուզենայի խոսել նաև վերահսկողական մեխանիզմների մասին. հաշվետվողականությունը և այլ գաղափարներ այնքան են ջլատել, որ արդեն գաղափարական մակարդակով մենք սահամանափակ ենք դրա մասին մտածում։ 2015 թվականին Սահմանադրությունը չանցավ, որովհետև չի եղել միջազգային դիտորդություն, բայց տեղական դիտորդները միանշանակ այդ պատասխանը չտվեցին, և ավելի հակված էին ասել, որ այն չի անցել, քան անցել է: Իսկ 2005 թվականի Սահմանադրության ընդունման պրոցեսը մեր աչքի առաջ էր, եթե անցավ, ապա քանի՞ հոգով անցավ»,- ասաց նա:
Լարիսա Մինասյանն այն կարծիքին է, որ քաղաքական իշխանությունը կրում է պատասխանատվություն:
«Նախորդ բոլոր նախագահները կրում են պատասխանատվություն նրա համար, որ հիմա այստեղ ենք և ինչ ունենք։ Նույնպես այս իշխանությունը պետք է կրի այդ պատասխանատվությունը՝ մեզ այս փոսից հանելու համար, ինչի համար ունի մանդատ»,- նկատեց նա:
Մանրամասները՝ տեսանյութում:
Ռոբերտ Անանյան
