20.02.2026 | 11:15
Դպրոցի նկատմամբ հարուցվել և իրականացվել է վարչական վարույթ, տնօրենի տրվել է կարգադրագիր․ ՀՀ կրթության տեսչական մարմին
Հանրաքվեից հետո ավելի շատ գումարներ կվերադարձվեն պետական բյուջե. վարչապետ. ՏԵՍԱՆՅՈՒԹ
Տնտեսություն
20.02.2020 | 14:53
Հանրաքվեից հետո ավելի շատ գումարներ կվերադարձվեն պետական բյուջե: Կառավարության այսօրվա նիստում հայտարարեց վարչապետ Նիկոլ Փաշինյանը՝ անդրադառնալով դիտարկումներին՝ արդյո՞ք տեղին է Սահմանադրական հանրաքվեի վրա այդքան գումար ծախսել։
«Ես ուզում եմ հիշեցնել, որ 2018 թվականի նախընտրական գործընթացի ընթացքում ես արել եմ հետևյալ քաղաքական հայտարարությունը. ես ասել եմ՝ առաջիկա 5 տարիների ընթացքում մենք պետք է 2,5 միլիարդի հավելյալ միջոցներ ծախսենք մեր անվտանգության կարիքների համար, մասնավորապես՝ մարտունակության և սպառազինության մակարդակը բարձրացնելու համար, և այդ 2,5 միլիարդից 1,5-ը պետք է գոյանա հակակոռուպցիոն արդյունավետ պայքարի միջոցով, այդ թվում՝ գողացված միջոցների հետբերման միջոցով։ Հիմա հարց՝ արդյո՞ք այս պահի դրությամբ ինձ գոհացնում և բավարարում են այն մասշտաբները, որոնցով մենք այս խնդիրը լուծել ենք: Այո՛, աննախադեպ հաջողություններ ունենք։ Մասնավորապես՝ այս տարի Հատուկ քննչական ծառայությունը վերականգնել է 7 անգամ ավելի շատ գումար, քան ՀՔԾ-ի ողջ պատմության ընթացքում»,- նշեց վարչապետը։
Մանրամասները՝ տեսանյութում:
