19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Մնում է փաստել, որ ճեմարանն է դառնում փախուստի դուռ՝ չծառայելու համար. Լենա Նազարյան
Քաղաքականություն
25.10.2017 | 18:19
Քննարկվում է զինվորական ծառայության և զինծառայողի կարգավիճակի մասին օրենքը, որով առաջարկվում է ակադեմիական տարկետման կարգի փոփոխություն. ԱԺ-ում օրենքի նախագծի քննարկմանը ելույթ ունենալիս ասաց «Ելք» խմբակցության պատգամավոր Լենա Նազարյանը:
«Նախարարի խոսքերով տարկետումը դառնում է փախուստի դուռ չծառայողների համար: Եվ սա անարդար է: Դուք, պարոն նախարար, շեշտը դնում եք անարդարության վրա: Եվ քիչ առաջ էլ ասացիք, որ ձեր քաղաքականությունն է, որ բոլորը պետք է ծառայեն և որ չպետք է լինի ոսկե երիտասարդություն»,- ասաց ընդդիմադիր պատգամավորը՝ նշելով, որ հիմա ուժի մեջ է կառավարության մի որոշում, որով Գևորգյան ճեմարանի և Վազգենյան դպրանոցի սաները չեն ծառայում բանակում:
«Դուք Ձեր խոսքում ասացիք, որ բանակցում եք վեհափառի հետ, բայց դա կառավարության որոշում է, գայիք այդ որոշմամբ: Իսկ եթե վեհափառը չհամաձայնվի, ի՞նչ եք անելու, հրաժարվելո՞ւ եք ձեր քաղաքականությունից: Մնում է փաստել, որ ճեմարանն է դառնում փախուստի դուռ՝ չծառայելու համար»,- ասաց Նազարյանը:
Մանրամասները տեսանյութում:
