15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Մենք ունենք մեկ փամփուշտ հին Հայաստանի ուրվականին այն աշխարհ ուղարկելու համար․ Հայկ Կոնջորյան. ՏԵՍԱՆՅՈՒԹ
Քաղաքականություն
06.02.2020 | 18:46
Երբ հին ռեժիմի հոգեզավակները խոսում են սահմանադրականության մասին, դա նույնն է, որ մարդակերը խոսի իր կերած մարդկանց անունից: Ազգային ժողովի արտահերթ նիստում ունեցած ելույթում անդրադառնալով ՍԴ նախագահի և անդամների լիազորությունների դադարեցման նպատակով Սահմանադրությունում փոփոխությունների նախաձեռնությանն ուղղված քննադատություններին՝ ասաց «Իմ քայլը» խմբակցության պատգամավոր Հայկ Կոնջորյանը:
«Դուք իրավունքի պաշտպաններ չեք, հարգելիներս, դուք իրավունքի ղասաբներ եք, որոնք իրավունքի սպանդանոցներում կերել են ՀՀ ժողովրդի Սահմանադրությունը, իրավունքը, օրենքներն ու օրենսդրությունը: ՍԴ-ի վերաբերյալ հնչում են այնպիսի տեսակետներ, կարծես թե մենք երեկ չէ, անցած օրն ենք այդ Սահմանադրության մասին տեղեկացել, և մենք նոր էջից ենք սկսել Սահմանադրական դատարանի պատմությունը, կարծես թե մոռացել ենք, որ ՍԴ-ն Հայաստանի ընտրակեղծարարության, ժողովրդավարության ապականման, ժողովրդի կամքի ոտնահարման ինստիտուցիոնալ հիշողությունն է, և այդ ինստիտուցիոնալ հիշողության շուրջ այսօր համախմբվել են հին ռեժիմի հոգեզավակները, քաղաքական դամբարանի դռները թակողները, ովքեր ցանկանում են հետ վերադառնալ»,- հայտարարեց Կոնջորյանը:
Պատգամավորն ասաց՝ այս կռվում, պատասխան հրաձգության մեջ, իրենք էլ կրակելիք բաժին ունեն. «Եվ այդ կրակելիք բաժինն անելու ենք փոխաբերական իմաստով: Յուրաքանչյուրս ունենք միայն մեկ փամփուշտ՝ հին Հայաստանի ուրվականին գլխից այն աշխարհ ուղարկելու համար, և այդ պատկերավոր փամփուշտը յուրաքանչյուրիդ մեկ քվեն է»:
Մանրամասները՝ տեսանյութում:
