07.08.2026 | 15:43
ԱՄՆ-ում դատարանը Мeta-ին պարտավորեցրել է 567 մլն դոլար վճարել սոցցանցերում երեխաներին պատճառված վնասի համար
Վանեցյանն անցյալի արձագանքն է. Արմեն Գրիգորյան. ՏԵՍԱՆՅՈՒԹ
Քաղաքականություն
06.02.2020 | 12:53
Միջազգային հանրության կողմից արձագանքների մեջ, մեծ հաշվով, որևէ խնդիր չեմ տեսնում: Կառավարության նիստից հետո լրագրողների հետ զրույցում ասաց ՀՀ Անվտանգության խորհրդի քարտուղար Արմեն Գրիգորյանը՝ անդրադառնալով Վենետիկի հանձնաժողովի ղեկավար Ջիանի Բուքիքիոյի հայտարարության մասին հարցին:
«Ես լուրջ խնդիրներ միջազգային կառույցների կողմից չեմ տեսնում: Հայաստանի ժողովրդավարացման գործընթացը շարունակվելու է: Այդտեղ որևէ հարցում հետընթաց չենք ունենալու: Ժողովրդավարության կառուցման մեջ առաջին հերթին հետաքրքրված ենք մենք և մեր ժողովուրդը: Եվ ես համոզված եմ, որ բոլոր այն խնդիրները, որոնք գոյություն ունեն ժողովրդավարացման պրոցեսում, մենք առաջնահերթությունը տալու ենք ներքին քաղաքականությանն ու ներքին պահանջին»,- հավելեց նա:
Ինչ վերաբերում է ԱԱԾ նախկին տնօրեն Արթուր Վանեցյանի հայտարարությանը, թե խոստանում է վերադարձ անցյալին թույլ չտալ, ԱԽ քարտուղարն ասաց. «Վանեցյանը, մեծ հաշվով, անցյալի արձագանքն է»:
Մանրամասները՝ տեսանյութում:
