26.09.2026 | 20:38
Քաղաքացին ընկել է ջրհորը. նա հոսպիտալացվել է
ԵԽԽՎ-ն Վրաստանին կոչ է արել ընտրական բարեփոխումներ իրականացնել
Քաղաքականություն
31.01.2020 | 20:48
ԵԽԽՎ-ն Վրաստանի իշխող կուսակցությանը՝ «Վրացական երազանք»-ին կոչ է արել ընտրական բարեփոխումներ իրականացնել։ Համապատասխան բանաձևն ընդունվել է։ Այս մասին հայտնում է interpressnews.ge-ն։
ԵԽԽՎ-ն կոչ է արել մինչև 2020 թվականի ընտրություններն ապահովել այնպիսի ընտրական համակարգ, որը կվայելի բոլոր կողմերի վստահությունն ու աջակցությունը, ինչպես նաև իրականացնել Վենետիկի հանձնաժողովի առաջարկությունները՝ Գերագույն դատարանի դատավորների ընտրության և նշանակման վերաբերյալ, ժամանակին իրականացնել դատական բարեփոխումների չորրորդ ալիքը և միջոցներ ձեռնարկել քաղաքական միջավայրում առկա բևեռացումը հաղթահարելու համար։
Նշենք, որ ԵԽԽՎ-ի ընդունած բանաձևի մեջ ամփոփվել են 10 երկրում ՝ Վրաստանում, Ռուսաստանում, Հայաստանում, Ադրբեջանում, Ալբանիայում, Բոսնիա և Հերցեգովինայում, Թուրքիայում, Մոլդովայում, Սերբիայում և Ուկրաինայում անցկացված մոնիթորինգի արդյունքները:
Նելլի Մելքոնյան
