02.11.2024 | 17:34
ՀՀ առողջապահության և էկոնոմիկայի նախարարները քննարկել են Հայաստանում առողջապահական զբոսաշրջության զարգացման միտումները
Կոմպոզիտորների միությունում սև ցուցակներ կա՞ն․ կոմպոզիտորը և միության նախագահը հակադարձում են միմյանց
23.10.2017 | 16:04
Հոկտեմբերի 29-ին տեղի կունենա Հայաստանի կոմպոզիտորների միության համագումարը, որի ժամանակ միության անդամները պետք է ընտրեն նոր նախագահ կամ էլ վերահաստատեն իրենց ընտրությունը՝ Արամ Սաթյանին թողնելով պաշտոնավարելու ևս մեկ ժամկետով։
Որքանո՞վ է միությունը նպաստել, որպեսզի հայ կոմպոզիտորների գործերը հնչեն Հայաստանում և արտերկրում և ի՞նչ բացթողումներ է ունեցել այն վերջին տարիների իր գործունեության ընթացքում։ Կոմպոզիտոր, միության անդամ Աշոտ Բաբայանը այն համոզման է, որ վերջին տարիներին միությունը հետընթաց քայլեր է կատարել՝ որդեգրելով 80-ականների սովետական գործելակերպը։
Աշոտ Բաբայանը խոսում է միության ներսում գոյացած սև ցուցակներից։ Նա հավաստիացնում է, որ իր, Դավիթ Սաքոյանի, Մարտուն Իսրայելյանի, Էդուարդ Հայրապետյանի և մի շարք այլ կոմպոզիտորների գործերը միությունը պարզապես անտեսում է, արդյունքում շատերը խզում են կապերը միության հետ։
Կոմպոզիտորների միության նախագահ Արամ Սաթյանը, սակայն, հակադարձում է՝ հավաստիացնելով, ոչ մի կոմպոզիտորի նկատմամբ խտրական վերաբերմունք չի ցուցաբերվում։ Աշոտ Բաբայանը պնդում է, որ միությունը նախապատվությունը տալիս է փոքրածավալ գործերին, իսկ մեծակտավ ստեղծագործություններն անտեսվում են, այսինքն՝ կարևորվում է ոչ թե որակը, այլ քանակը։ Իսկ ահա Արամ Սաթյանը համաձայն չէ այդ պնդումներին․ նա նախընտրում է հնարավորություն տալ միանգամից մի քանի կոմպոզիտորների, այլ ոչ թե մեկին, ում չի հաջողվի լցնել նույնիսկ դահլիճի կեսը։ Միության նախագահը անդրադառնում է նաև Դիլիջանի ստեղծագործական տան վիճակին, անդրադառնում է միության խնդիրներին, այդ թվում՝ շենքի չջեռուցվելու փաստին։ Ինչ վերաբերում է ստեղծագործական պրոցեսին, Արամ Սաթյանը ցանկություն է հայտնում, որ պետությունը միությանը գոնե որոշ ժամանակով շոշափելի աջակցություն ցուցաբերի։
Աննա Բաբաջանյան
