10.08.2026 | 22:26
Սևանա լճի մակարդակը հունվարի 1-ի համեմատ բարձր է 52 սմ-ով
Նիկոլ Փաշինյանը՝ «Բաց հասարակության հիմնադրամներ»-ի գործունեության շուրջ շահարկումների մասին. ՏԵՍԱՆՅՈՒԹ
Քաղաքականություն
25.01.2020 | 15:21
«Բաց հասարակության հիմնադրամներ»-ը Հայաստանում գործում է տասնյակ տարիներով։ Եթե այդքան վատ բան էր, թող փակեին, ինչո՞ւ չեն փակել։ Այդ գրասենյակի գոյության ողջ ընթացքի 5%-ը մեր իշխանության շրջանում է, 95%-ը՝ ձեր իշխանության։ Ինչո՞ւ չեք փակել։ Այս մասին այսօր իր մամուլի ասուլիսի ընթացքում նշեց ՀՀ վարչապետ Նիկոլ Փաշինյանը։
«Այսօր բոլոր նրանք, ովքեր այդ թեմայով շահարկումներ են անում, նախկին իշխանության մեջ կամ տեղ են ունեցել, կամ թիմի անդամ են ունեցել կամ նրանց շրջապատում այդ մարդիկ են։ Բոլոր հանրապետականները, նախկինում Ոստիկանությունում, պետական կառավարման համակարգում բարձրաստիճան պաշտոն զբաղեցրած մարդիկ, կանգնե՛ք, բացատրություն տվեք՝ երբ իշխանական կերակրատաշտի մոտ էիք, ինչո՞ւ չէիք փակում այդ հիմնադրամները։ Ի՞նչ է նշանակում «սորոսական»։ Ես թույլ չեմ տա, որ Հայաստանի որևէ քաղաքացու հասցեին քամահրական կամ արհամարհական այդպիսի բան ասեն։ Բոլոր նրանք, ովքեր դա ասում են, կոռումպացված հանրապետականներ են, պետական դավաճաններ։ Եկեք հետաքննություն սկսենք՝ այդ մարդկանցից քանիսն է դրամաշնորհ ստացել այդ կազմակերպություններից, ինչքա՞ն են սնվել։ Եկեք սկսենք և բացեք այդ խոսակցությունը»,- ասաց Փաշինյանը։
Մանրամասները՝ տեսանյութում։
