Արարատի մարզի ոստիկանության 4 հաշվապահներ խոշոր չափի գումարներ են հափշտակել. ՀՔԾ

Լուրեր

02.05.2024 | 21:14
Նախկին կուսակցական լինելը չի նշանակում պոտենցիալ հանցագործ լինել․ Վահագն Հովակիմյան․ ՏԵՍԱՆՅՈՒԹ
02.05.2024 | 21:00
«Սխալ զեկույց են կազմել»․ ԵԱՍՄ հիմնարկի նախկին տնօրենները հերքում են ենթադրյալ չարաշահումները. ՏԵՍԱՆՅՈՒԹ
02.05.2024 | 20:49
ՌԴ-ն անվտանգության ապահովման գործում կարևոր դերակատարում ունի ոչ միայն տարածաշրջանում, այլև ավելի լայն տարածքում․ Ալիևը՝ ՌԴ Պետդումայի անդամներին
02.05.2024 | 20:36
Համար 18 և 1 երթուղիների ավտոբուսները բախվել են իրար. տարածքը սահմանազատվել է. ՏԵՍԱՆՅՈՒԹ
02.05.2024 | 20:30
Ադրբեջանում Երևանն իրենցն են համարում․ հարցումների մտահոգիչ արդյունքներն ու Բաքվի քաղաքականությունը. ՏԵՍԱՆՅՈՒԹ
02.05.2024 | 20:15
Կիրանց մուտք գործել թույլատրվում է միայն տեղի բնակիչներին. ՄԻՊ-ը պարզաբանումներ է պահանջել ՆԳՆ-ից
02.05.2024 | 20:00
ՀՀ-ն Ադրբեջանի հետ մեծ պատերազմի ռեսուրս չունի․ իշխանությունը պիտի սա՛ բացատրի, չասի՝ հաջողության հասանք․ Լևոն Բարսեղյան․ ՏԵՍԱՆՅՈՒԹ
02.05.2024 | 19:44
Երևանի դպրոցներից մեկում աշակերտների նկատմամբ բռնություն կիրառած ուսուցիչն աշխատանքից ազատվել է. Կոստանյան
02.05.2024 | 19:30
Ովքեր են ամենաբարձրը վարձատրվում Հայաստանում․ միջին ամսական աշխատավարձը 1 ամսում աճել է 34 հազար դրամով. ՏԵՍԱՆՅՈՒԹ
02.05.2024 | 19:27
Վարչապետին է ներկայացվել Մտավոր սեփականության գրասենյակի 2023 թ. գործունեության հաշվետվությունը
02.05.2024 | 19:14
Սևան-Իջևան-Հայաստանի սահման ավտոճանապարհին արագաչափ է տեղադրվել
02.05.2024 | 19:00
Կրեմլը Վրաստանը քաշում է դեպի իրեն․ վտանգվում է ՀՀ-ի՝ եվրոպական ապագան օտարերկրյա գործակալների օրենքով․ Գիորգի Թումասյան․ ՏԵՍԱՆՅՈՒԹ
02.05.2024 | 18:45
Անհամաչափ ուժ չի կարելի կիրառել․ ՄԻՊ-ը՝ Կիրանցում ոստիկանների գործողությունների մասին
02.05.2024 | 18:33
Եթե Կիրանցը թողներ՝ Էլչիբեյը հասել էր Երևան, հիմա ո՞վ է կրանցեցուն հաշվի առնում․ բնակիչ․ ՏԵՍԱՆՅՈՒԹ
02.05.2024 | 18:24
Կոլումբիան խզում է դիվանագիտական ​​հարաբերություններն Իսրայելի հետ
Բոլորը

ՀՀ հատուկ քննչական ծառայությունում ՀՀ ոստիկանության ներքին անվտանգության վարչությունից ստացված նյութերի հիման վրա հարուցված քրեական գործի նախաքննությամբ բացահայտվել են ֆինանսական խախտումների և չարաշահումների մի շարք դեպքեր: Մասնավորապես, պարզվել է, որ ոստիկանության Արարատի մարզային վարչության տարբեր ստորաբաժանումների չորս հաշվապահներ պատշաճ կարգով չեն կատարել իրենց պարտականությունները, թույլ են տվել ֆինանսական խախտումներ, ինչպես նաև, չարաշահելով պաշտոնեական դիրքը, յուրացման եղանակով հափշտակել են իրենց վստահված խոշոր չափերով գումարներ: 

Այս մասին հայտնում են Հատուկ քննչական ծառայության լրատվական ծառայությունից։

Այսպես, ՀՀ ոստիկանության Արարատի մարզային վարչության ֆինանսական խմբի և նույն վարչության Արարատի բաժնի գլխավոր հաշվապահներ Արուս և Վեհանուշ Ասատրյանները, իրենց գործընկերներին «լավություն» անելու և նրանց օգտակար լինելու անձնական շահագրգռվածությունից ելնելով, մասամբ էլ սխալ հաշվարկների պատճառով, 2014 թվականի հունվարի 1-ից մինչև 2017 թվականի փետրվարն ընկած ժամանակահատվածում պետական բյուջեից ավել գումարներ են պահանջել և ոստիկանության Արարատի մարզային վարչության մի շարք աշխատակիցների հաշվին առանց օրինական հիմքերի որպես աշխատավարձ փոխանցել շուրջ 8 մլն ՀՀ դրամի չափով ավել գումարներ: Հետագայում, երբ նշված աշխատակիցները վերադարձրել են ստացած գումարների մի մասը, հաշվապահները դրանք չեն մուտքագրել Արարատի մարզային վարչության դրամարկղային հաշվին և ծախսել են իրենց անձնական կարիքների համար:

Ի դեպ, նույն ժամանակահատվածում կատարված սխալ հաշվարկների հետևանքով ոստիկանության մի շարք աշխատակիցների էլ շուրջ 1,5 մլն դրամի չափով պակաս գումար է վճարվել:

Բացի այդ, ՀՀ հատուկ քննչական ծառայությունում կատարված նախաքննության ընթացքում ձեռք բերված բավարար ապացույցների հիման վրա պարզվել է, որ ֆինանսական չարաշահումներ են կատարվել նաև ոստիկանության Արարատի մարզային վարչության Արտաշատի և Մասիսի բաժինների հաշվապահներ Լարիսա Մանասյանի ու Նինա Ավանեսովայի կողմից: Վերջիններս նույնպես յուրացնելու եղանակով գումարներ են հափշտակել պետբյուջեից: Մասնավորապես, Լ. Մանասյանն ու Ն. Ավանեսովան շահադիտական նպատակով պետական բյուջեից ավել գումարներ են պահանջել և որպես դրամական օգնություն փոխանցել իրենց հաշվին:

ՀՀ ոստիկանության աշխատակիցների ապօրինի գործողությունների հետևանքով պետբյուջեին պատճառված շուրջ 8 մլն ՀՀ դրամի գույքային վնասը նախաքննության ընթացքում ամբողջությամբ վերականգնվել է:

Վերը նշված հանցավոր արարքների կատարման համար Արուս Ասատրյանին և Վեհանուշ Ասատրյանին մեղադրանքներ են առաջադրվել ՀՀ քրեական օրենսգրքի 179-րդ հոդվածի 2-րդ մասի 1-ին և 3-րդ կետերով, 308-րդ հոդվածի և 315-րդ հոդվածի 1-ին մասերով, իսկ Լարիսա Մանասյանին ու Նինա Ավանեսովային՝ ՀՀ քրեական օրենսգրքի 179-րդ հոդվածի 2-րդ մասի 1-ին կետով:

Քրեական գործի նախաքննությունն ավարտվել է: Գործը մեղադրական եզրակացությամբ հանձնվել է դատավարական հսկողություն իրականացնող դատախազին` այն հաստատելու և դատարան ուղարկելու համար: