Հասարակություն
23.01.2020 | 12:52Վերաքննիչ դատարանը ոչ իրավաչափ ճանաչեց ՀՔԾ քննիչի կողմից «Ժողովուրդ» օրաթերթի խմբագիր Քնար Մանուկյանի հեռախոսային զանգերը վերծանելու Առաջին ատյանի դատարանի որոշումը:
Քնար Մանուկյանը լրագրողների հետ զրույցում ասաց, որ իր խոսակցությունները վերծանելու որոշում է կայացվել այն բանից հետո, երբ խմբագրությունը հրապարակել է Մարտի 1-ի գործով անցնող անձանցից երրորդ նախագահ Սերժ Սարգսյանի և Սահմանադրական դատարանի դատավոր Ֆելիքս Թոխյանի ցուցմունքները:
Ըստ Մանուկյանի՝ իրեն քննիչները առաջարկել են հրապարակել աղբյուրը, սակայն, երբ մերժում են ստացել արդեն դատարան են դիմել և դատավոր Դավիթ Գրիգորյանը թույլատրել է վերծանել լրագրողի խոսակցությունները: Սրան հաջորդել է այն, որ քննիչն արդեն երկու անձի անուն տալով լրագրողին առաջարկել է ասել, թե նրանցից ով է իրեն փոխանցել նախաքննական տեղեկությունները:
Լրագրողը հայտնեց, որ ինքը կրկին մերժել է աղբյուրը բացահայտել և դիմել է Վերաքննիչ դատարան, որն էլ այսօր անօրինական ճանաչեց Առաջին ատյանի դատարանի որոշումը:
Մանրամասները՝ տեսանյութում:
Լիլիթ Շաբոյան
