10.09.2026 | 15:31
Պապոյանը վարդ արտադրողների հետ քննարկել է արտահանման և լոգիստիկ հարցերը
Եվրախորհրդարանն աջակցում է փախստականների տեղաբաշխման ավտոմատ համակարգին
Քաղաքականություն
20.10.2017 | 14:44
Միգրանտների թիվը, որ պետք է ընդունի ԵՄ այս կամ այն երկիրը, ուղղակիորեն կախված կլինի սեփական բնակչության թվից և պետության տնտեսական ցուցանիշերից, հայտնում է dw.com-ը:
Եվրախորհրդարանի ներքին գործերով կոմիտեն հոտեմբերի 19-ին 43 կողմ, 16 դեմ ձայներով կողմ է քվեարկել փախստականների տեղաբաշխման ավտոմատ համակարգի օգտին:
Այդպիսով Եվրախորհրդարանը հանդես է եկել հօգուտ ներկայում գործող Դուբլինի համաձայնագրից հրաժարվելու: Ըստ այդմ՝ ապաստան տրամադրելու հարցը պետք է քննարկվի այն պետության ներգաղթի ծառայությունների կողմից, որտեղ միգրանտն առաջին անգամ ապաստանի հայտ է ներկայացրել կամ առաջին անգամ մտել է ԵՄ հող:
Ներկայիս միգրացիոն ճգնաժամը ցույց է տվել այդ կանոնակարգի անկարողությունը, քանի որ այնպիսի երկրներ ինչպիսին Իտալիան ու Հունաստանն են, ուր փախստականների հիմնական հոսքն է ուղղվում, չկարողացան կարգավորել խնդիրը՝ թույլ տալով միգրանտներին առանց համապատասխան փաստաթղթերի մտնել այլ երկրներ, մասնավորապես Գերմանիա:
Ներքին գործերի կոմիտեի մշակած առաջարկները պետք է աջակցություն ստանան նաև Եվրախորհրդարանի նիստում, հետո դրանք կփոխանցվեն ԵՄ Նախարարների խորհրդի քննարկմանը:
