10.08.2026 | 19:00
Վարժական հավաքներին մասնակցած արտերկրում աշխատողների կորցրած եկամուտը չի փոխհատուցվում
Նիկոլ Փաշինյանը՝ ամանորյա պետական ծախսերի մասին. ՈՒՂԻՂ
Տնտեսություն
22.01.2020 | 10:32
Ամանորի համար 271 միլիոն դրամ ծախսելով՝ Հայաստան ենք բերել հավելյալ 9 միլիարդ 307 միլիոն դրամ: Ֆեյսբուքյան ուղիղ եթերում այս մասին ասաց ՀՀ վարչապետ Նիկոլ Փաշինյանը:
«Հիշում եք, որ Ամանորից առաջ Կառավարությունը որոշում կայացրեց 271 մլն դրամ հատկացնել Երևանի քաղաքապետարանին, որպեսզի Հանրապետության հրապարակի ամանորյա միջոցառումները կազմակերպվեն նոր տրամաբանությամբ, նոր թափով և, ընդհանրապես, այս մասով Կառավարությունը նոր քաղաքականություն է որդեգրել»,- ասաց վարչապետը:
Նրա խոսքով՝ երբ այդ գումարը տրամադրվում էր, շատ քննադատություններ հնչեցին, թե ինչքանով է նպատակահարմար, ինչքանով է արդյունավետ այդպիսի գումարներ հատկացնելը:
«Այսօր ուզում եմ արդեն արդյունքների հիման վրա պատասխանել այդ հարցին. Այդ միջոցների տրամադրման նպատակն այն էր, որ զբոսաշրջիկների, մեր հայրենակիցների համար Ամանորը Երևանում անցկացնելն ավելի գրավիչ լինի: Մենք ունենք որոշակի տվյալներ և կարող ենք ասել, որ դեկտեմբերի 28-ից հունվարի 6-ն ընկած ժամանակահատվածում, նախորդ տարվա համեմատ, ունեցել ենք 9 մլրդ 307 մլն դրամի հավելյալ դրամաշրջանառություն: Փաստորեն, մենք 271 մլն դրամ գումար ծախսելով՝ կարող ենք ենթադրել, որ նաև դրանով է, որ ապահովել ենք այդ 9 մլրդ դրամ ավելի դրամաշրջանառությունը: Ընդ որում՝ դրանից ավելի քան 4 մլրդ-ը տեղի է ունեցել ՀՀ մարզերում»,- ասաց Նիկոլ Փաշինյանը:
