22.05.2026 | 23:01
Ռուսաստանը ժամանակավորապես արգելել է «Ջերմուկ» հանքային ջրի ներմուծումն ու վաճառքը
Չինաստանում կորոնավիրուսի հետևանքով զոհերի թիվը հասել է 4-ի. ԱՀԿ-ն արտակարգ նիստ է հրավիրել
Քաղաքականություն
21.01.2020 | 15:02
Չինաստանում կորոնավիրուսով վարակվածների թիվը գերազանցել է 200-ը: Հիվանդներից 4-ը մահացել են: Այս մասին գրում է ՏԱՍՍ-ը:
Առողջապահության համաշխարհային կազմակերպությունն արտակարգ իրավիճակների կոմիտեի նիստ է հրավիրել՝ կապված Չինաստանում թոքաբորբի բռնկման հետ, որի պատճառը նոր տիպի՝ 2019-nCoV կորոնավիրուսն է: Հանձնաժողովի խնդիրն է՝ պարզել, արդյո՞ք հիվանդության բռնկումն առողջապահական ոլորտի՝ միջազգային նշանակություն ունեցող արտակարգ իրավիճակ է:
Չինաստանի ԱԳՆ պաշտոնական ներկայացուցիչ Գեն Շուանը տեղեկացրել է, որ Պեկինի ներկայացուցիչը նույնպես կմասնակցի նիստին:
«Չինաստանը կշարունակի ամրապնդել միջազգային համագործակցությունը և աշխատել միջազգային հանրության հետ՝ վիրուսի դեմ պայքարի և տարածաշրջանային ու գլոբալ անվտանգության հասնելու համար»,- ասել է դիվանագետը:
Նա հավելել է, որ թոքաբորբի բռնկման հետ կապված չինական Ուհան քաղաքում վերահսկողության ուժեղացված միջոցառումները չեն ենթադրում քաղաքից ելքի լիարժեք արգելք:
«Որքան հասկանում եմ, երբ քաղաքացիները ժամանում կամ մեկնում են, ստուգում ենե անցնում: Բայց դա քաղաքից ելքի լիարժեք արգելք չէ»,- ասել է նա:
