14.07.2026 | 17:11
Արմեն Գրիգորյանը ԵՄ գործընկերության նոր առաքելության պատվիրակության հետ քննարկել է հետագա համագործակցությունը
Ռոբերտ Քոչարյանի և Արմեն Գևորգյանի պաշտպանները դատարան չէին եկել, նիստը հետաձգվեց
Հասարակություն
21.01.2020 | 13:21
Ռոբերտ Քոչարյանի և մյուսների գործով դատական այսօրվա նիստին նախկին փոխվարչապետ Արմեն Գևորգյանի պաշտպան Էրիկ Ալեքսանյանը, Վարդգես Գևորգյանը և Ռոբերտ Քոչարյանի պաշտպանները դատարան չէին եկել:
Էրիկ Ալեքսանյանի և Վարդգես Գևորգյանի պաշտպանների միջնորդության մեջ նշված էր. «Փաստ է, որ սույն քրեական գործով դատական քննության ժամանակ պաշտպանական կողմի նկատմամբ դատավարության մասնակիցների, մասնավորապես տուժող կողմից մշտապես դրսևորվել է անհարգալից վերաբերմունք, բազմիցս հնչել են վիրավորական արտահայտություններ: Սակայն դատարանը երբևէ համարժեք միջոցներ չի ձեռնարկել նշված երևույթները կանխելու համար: Նախորդ դատական նիստին տուժողի իրավահաջորդներից մեկը հնչեցրել է սպառնալիք, որոնց որևէ ողջամիտ արձագանք չի տրվել: Ակնհայտ է, որ դատարանը ամեն կերպ փորձում է կոծկել տուժող կողմի ոչ իրավաչափ գործողությունները՝ դրանով կասկածի տակ դնելով իր անաչառությունը: Ակնհայտ է նման պայմաններում մենք հայտնվում ենք անհավասար պայմաններում: Չենք կարողանում լիաժեք իրացնել մեր իրավունքներն ու պարտականությունները: Մենք՝ Արմեն Գևորգյանի պաշտպաններս, չենք ներկայանում այսօրվա դատական նիստին՝ հույս ունենալով, որ հաջորդ դատական նիստին կապահովվի նիստի բնականոն ընթացքը և հավասարության սկզբունքը»:
Համանման միջնորդություն էին ներկայացրել նաև Քոչարյանի պաշտպանները:
Այս հանգամանքներում որոշվեց դատական նիստը հետաձգել:
Լիլիթ Շաբոյան
