11.02.2026 | 23:36
Քարաթափումներ Երևան-Մեղրի ավտոճանապարհին. վնասվել են ավտոմեքենաներ
Արքայազն Հարին և Մեգան Մարքլը զրկվեցին թագավորական կոչումից
Քաղաքականություն
18.01.2020 | 23:37
Արքայազն Հարին և նրա կինը՝ Մեգան Մարքլն այլևս չեն կարողանա օգտագործել իրենց թագավորական կոչումները և չեն ստանա պետական միջոցներ: Այս մասին հայտում է BBC-ն՝ հղում անելով Բուքինգհեմյան պալատի տարածած հաղորդագրությանը:
Հարին և Մեգանը հայտարարել են, որ մտադիր են վերադարձնել նաև Մեծ Բրիտանիայի բյուջեից ծախսված 2,4 միլիոն ֆունտը, որը հատկացվել էր Վինձորում իրենց տունը վերանորգելու համար: Բացի այդ, արքայազն Հարին և Մեգանն այլևս չեն համարվի թագուհու պաշտոնական ներկայացուցիչներ:
Հիշեցնենք, որ հունվարի 9-ին արքայազն Հարին և Մեգան Մարքլը հայտարարել էին, որ հրաժարվում են արքայական ընտանիքի բարձրաստիճան անդամների կարգավիճակով ստանձնած պարտավորություններից և արտոնություններից: Զույգն ինստագրամյան գրառմամբ հայտնել էր, որ այսուհետ ժամանակի մի մասը կանցկացնի Միացյալ Թագավորությունում, մի մասը՝ Ամերիկայի Միացյալ Նահանգներում: Հունվարի 13-ին էլ թագուհին թագավորական ընտանիքի արտակարգ հավաք էր հրավիրել՝ քննարկելու արքայազնի և նրա կնոջ կայացրած որոշումը՝ համաձայն որի նրանք հրաժարվում են արքայական ընտանիքի անդամների կարգավիճակից։ Էլիզաբեթ երկրորդն «անցումային շրջան» էր տրամադրել թոռան ընտանիքին, որի ընթացքում նրանք կարող էին ապրել Կանադայում և Մեծ Բրիտանիայում:
