Մարզպետարանների գյուղոլորտի պատասխանատուների հետ քննարկվել են գարնան նախապատրաստական գյուղատնտեսական աշխատանքները

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

ՀՀ էկոնոմիկայի նախարարությունից տեղեկացնում են, որ նախարարի տեղակալ Տիգրան Գաբրիելյանը հունվարի 17-ին hանդիպում է ունեցել մարզպետարանների գյուղատնտեսության և բնապահպանության վարչության պետերի հետ` մարզերում գարնան նախապատրաստական գյուղատնտեսական աշխատանքները, պետական օժանդակության գործող ծրագրերը, առկա խնդիրներն ու դրանց լուծման հնարավոր ուղիները քննարկելու նպատակով:

«Հանդիպմանը, մասնավորապես, անդրադարձ է եղել հանրապետությունում գարնանացանի աշխատանքների արդյունավետ կազմակերպմանը: Մարզպետարաններին առաջարկվել է սեղմ ժամկետներում ներկայացնել տեղեկատվություն գարնանացան հացահատիկային մշակաբույսերի սերմերի պահանջարկի վերաբերյալ:

Քննարկվել են նաև տեղական սերմնաբուծության զարգացմանը վերաբերող հարցեր, ներկայացվել առաջարկներ տեղական սերմնաբուծության զարգացման ծրագրի վերաբերյալ: Պայմանավորվածություն է ձեռք բերվել առաջիկայում հանդիպել և առարկայական քննարկել այս ոլորտի զարգացման հնարավոր ուղղությունները:

Հանդիպման մասնակիցներն անդրադարձել են նաև անասնապահության ոլորտին առնչվող հարցերին, այդ թվում՝ պետական պատվերի շրջանակներում իրականացվող անասնաբուժական ծառայությունների կազմակերպմանը: Ներկայացվել են անասնապահության ոլորտում նախատեսվող համալիր ծրագրերը, ինչպես նաև կենդանիների համարակալման ծրագրի համառոտ նկարագիրը, որի հիմնական նպատակն է հաշվառել հանրապետությունում խոշոր եղջերավոր կենդանիների գլխաքանակը, ինչն իր հերթին կնպաստի ոլորտում իրականացվող ծրագրերի արդյունավետության բարձրացմանը, ինչպես նաև սննդամթերքի անվտանգության և հետագծելիության ապահովմանը:

Մարզերի գյուղոլորտի պատասխանատուների կողմից բարձրացվել են ներկայումս մեկնարկած համապետական պարտադիր սպանդանոցային մորթի անցնցում կազմակերպման հետ կապված հարցեր, որոնց վերաբերյալ տրվել  են սպառիչ պատասխաններ:

Քննարկվել են նաև գյուղատնտեսական արտադրանքի իրացմանը առնչվող հարցեր: Այս համատեքստում փոխնախարարը տեղեկացրել է, որ գյուղատնտեսական մթերքների իրացման համակարգի բարելավմանը մեծապես կնպաստի առաջիկայում նախատեսվող լոգիստիկ կենտրոնների ստեղծումը:

Մարզպետարանների գյուղոլորտի պատասխանատուները մի շարք առաջարկներ են ներկայացրել գյուղոլորտում իրականացվող պետական օժանդակության ծրագրերի վերաբերյալ: Միաժամանակ ընդգծվել է համայնքներում այդ ծրագրերի վերաբերյալ հանրային իրազեկվածության բարձրացման անհրաժեշտությունը»,- ասված է հաղորդագրությունում: