17.12.2025 | 20:23
Նազիկ Ավդալյան․ Քաղաքականությամբ զբաղվելու նպատակ չունեմ
Գեորգի Կուտոյանի բնակարանի սենյակում 40-ից ավելի պարկուճ է եղել, պատերին՝ վնասվածքներ․ ՔԿ նախագահի տեղակալ. ՏԵՍԱՆՅՈՒԹ
Հասարակություն
17.01.2020 | 19:11
Դեպքի վայրում հայտնաբերվել է Glock տեսակի ատրճանակ, պարզել ենք՝ օրինական, պարգևատրման կարգով Գեորգի Կուտոյանի զենքն է: Լրագրողների հետ զրույցում ասաց ՀՀ Քննչական կոմիտեի նախագահի տեղակալ Արթուր Մելիքյանը:
«Կան 4 տասնյակից ավելի պարկուճներ, գնդակներ, պատերին կան վնասվածքներ, որտեղ դին հայտնաբերվել է: Դեպքի վայրում կնոջ և հոր մասնակցությամբ գործողություններ են կատարվում»,- ասաց նա:
Արթուր Մելիքյանը հայտնեց, որ հարուցվել է քրեական գործ ՔՕ-ի 110-դ հոդվածի 1-ին մասով: «Խնդրում եմ՝ հոդվածին առերևույթ չխաբնվեք, որ 110-րդ հոդվածն է: Այս պահին ունեցած տվյալներով՝ հարուցում ենք 110-րդ հոդվածով, բայց բազմաթիվ վարկածներ են առաջ քաշվելու: Կարող է լինել սպանություն, կարող է լինել սպանություն՝ քողարկված ինքնասպանությունով, հետագայում փորձաքննություններով, դրանց արդյունքով ընդհանուր պատկերը պարզ կլինի, թե ինչ է տեղի ունեցել»,- ասաց ՔԿ նախագահի տեղակալը:
Հարցին՝ Գեորգի Կուտոյանի դիակի վրա բռնության հետքեր կա՞ն, Մելիքյանը պատասխանեց. «Հրազենային վնասվածք ունի քունքի շրջանում: Դատաբժշկական փորձագետները վաղը արդեն փորձաքննության արդյունքում ավելի ստույգ կպարզեն մարմնական վնասվածքների քանակը, ծագումը, բնույթը»:
Մանրամասները՝ տեսանյութում:
