Տեսանյութեր
16.01.2020 | 12:52Առողջապահության նախարար Արսեն Թորոսյանը Կառավարության նիստից հետո լրագրողների հետ ճեպազրույցում ասաց, որ Աչաջուր համայնքի ծննդատունը պետք է դադարի ծննդօգնության ծառայություններ մատուցել․ «Աչաջուրը առողջության կենտրոն է և պետք է դադարի ծննդօգնության ծառայություններ մատուցել։ Մենք նաև առանձին կզբաղվենք այդ մասով, թե ինչպես էր ստացվել, որ սանիտարահամաճարակային պայմանները խախտվել էին, և օպերատորը իր միկրոֆոնով հայտնվել էր ներսում»։
Նշենք, որ խոսքը երեկ համացանցում տարածված տեսանյութի մասին է, թե ինչպես էր ուղիղ եթերի ժամանակ լրագրողի ներկայությամբ երեխա ծնվում։ Նախարարը անդրադարձավ նաև երեխաների ապօրինի որդեգրման դեպքերին, ասելով, որ դրանք կանխելու համար մեռելածինների հերձման և հետագա կարգերը կխստացվեն և ընթակարգերի մաքսիմալ պահպանմամբ տեղի կունենան։
Մանրամասները՝ տեսանյութում։
Լիլիթ Շաբոյան
