25.11.2024 | 21:30
Երևանում և 7 մարզում էլեկտրաէներգիայի անջատումներ կլինեն
ԵՄ-ից ստացել ենք պատասխանը՝ միջնորդական ծառայությունները ԱԱՀ-ից ազատելու դեպքում կանոնները չենք խախտում․ Թունյան. ՏԵՍԱՆՅՈՒԹ
Տնտեսություն
16.01.2020 | 11:59
ԱԺ տնտեսական հարցերի մշտական հանձնաժողովի նիստի ժամանակ քննարկվում է ՀՀ հարկային օրենսգրքում փոփոխություններ և լրացումներ կատարելու օրենքի նախագիծը։
Նախագծի հեղինակներն են «Իմ քայլը» խմբակցության պատգամավոր Արտակ Մանուկյանը, Վարազդատ Կարապետյանը և Բաբկեն Թունյանը։
Նախագիծը վերաբերում է մասնավոր ընկերությունների կողմից թողարկված պարտատոմսերին, բաժնետոմսերին և միջնորդական ծառայությունների հարկման տեսակներին։
Նախագծի հեղինակ Բաբկեն Թունյանը նկատեց, որ նախագծի նպատակը կապիտալի շուկայի զարգացումն է։ Թունյանն ասաց, որ կար մի հարց, որը վերաբերում էր միջնորդական ծառայություններն ավելացված արժեքի հարկից ազատելուն։
«Այստեղ խնդիր կար Եվրամիության դիրեկտիվների հետ կապված, այսինքն՝ տարաբնույթ մեկնաբանությունների տեղիք էր տալիս՝ պե՞տք էր ազատել միջնորդական ծառայությունները ԱԱՀ-ից, թե՝ ոչ։ Մենք հանձնաժողովի անունից պաշտոնապես դիմել ենք Եվրամիությանը և ստացել ենք պատասխան, որտեղ նշվում է, որ, ըստ էության, դա տվյալ երկրի որոշելիքն է։ Այսինքն՝ այդտեղ կանոնների որևէ խախտում չկա այդ առումով»,- ներկայացրեց Բաբկեն Թունյանը։
Մանրամասները՝ տեսանյութում։
