Քաղաքականություն
15.01.2020 | 17:41
ՌԴ կառավարությունը հրաժարական է տվել, հայտնում է ՌԻԱ Նովոստին:
Նախագահ Վլադիմիր Պուտինի՝ Դաշնային ժողովին ուղղված ուղերձից հետո Դմիտրի Մեդվեդևը հայտարարել է, որ կառավարությունն ամբողջ կազմով հրաժարական է ներկայացնում:
Պուտինն իր հերթին շնորհակալություն է հայտնել կառավարության անդամներին համատեղ աշխատանքի համար՝ «չնայած ամեն չէ, որ ստացվել է»: ՌԴ նախագահն ասել է նաև, որ առաջիկայում կհանդիպի նախարարների կաբինետի յուրաքանչյուր անդամի հետ, իսկ առայժմ նրանց խնդրում է ամբողջական ծավալով կատարել պարտականությունները:
17: 52
Դմիտրի Մեդվեդևն էլ ճիշտ է համարել Սահմանադրության փոփոխությունների մասին նախագահի առաջարկությունների ֆոնին կառավարության հրաժարականը: ՏԱՍՍ-ի փոխանցմամբ՝ այս մասին նա ասել է նախարարների կաբինետի հետ նախագահ Պուտինի հանդիպման ընթացքում:
«Այդ փոփոխությունները, երբ ընդունվեն, և դա կարվի քննարկումներից հետո, ինչպես ասվեց, դրանք զգալի փոփոխություններ կմտցնեն ոչ միայն Սահմանադրության մի շարք հոդվածներում, այլև ընդհանրապես իշխանության բալանսում՝ գործադիր, օրենսդիր, դատական: Այս համատեքստում անհայտ է, որ մենք, որպես ՌԴ կառավարություն, պետք է մեր երկրի նախագահին հնարավորություն ընձեռենք անհրաժեշտ որոշումներ կայացնել, և այս պայմաններում, ես կարծում եմ, ճիշտ կլինի, որպեսզի ՌԴ Սահմանադրության 117-րդ հոդվածին համապատասխան՝ ՌԴ կառավարությունը ներկա կազմով հրաժարական տա»:
