11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Հետաքրքիր կաբինետից զանգ էր լինում և միանգամից որևէ ծննդատուն դառնում էր 3-րդ կարգի․ Արսեն Թորոսյան. ՏԵՍԱՆՅՈՒԹ
Հասարակություն
14.01.2020 | 17:12
Կարգերի շնորհման հրամանը նախաձեռնել եմ ես՝ իմ նշանակվելուց հետո։ Մինչ այդ նույնպես մեր ծննդատներն ունեին կարգեր, սակայն դրանք այդքան էլ կանոնակարգված չէին շնորհվում։ Այս մասին լրագրողների հետ հանդիպման ժամանակ ասաց առողջապահության նախարար Արսեն Թորոսյանը։ «Չեմ վարանի ասել, որ կարգերը հաճախ շնորհվում էին զանգով։ Երբ որ մի հատ ավելի հետաքրքիր կաբինետից զանգ էր լինում և որևէ ծննդատուն դառնում էր 3-րդ կարգի միանգամից։ Մենք դրանք պարզապես զրոյացրինք»,- ասաց Արսեն Թորոսյանը։
Նախարարը չցանկացավ անուններ նշել, բայց նշեց, որ ժամանակին եղել են ծննդատներ, որոնք չեն համապատասխանել 3-րդ կարգին, բայց ունեցել են 3-րդ կարգի ծննդատուն։ Նա նշեց այժմ որոշումները կայացվում են միայն մասնագիտական, անկախ գնահատողների կողմից, որոնք որ նույնիսկ չգիտեն, թե գնահատումն ինչի է վերածվելու։
Մանրամասները՝ տեսանյութում։
