17.11.2024 | 21:43
ԵՄ ինտեգրումը Վրաստանի արտաքին քաղաքականության գլխավոր առաջնահերթությունն է
Իրանի ԱԳՆ-ն հյուպատոսական օգնություն կցուցաբերի «Բոինգ»-ի խոցման զոհերի ընտանիքներին
Քաղաքականություն
12.01.2020 | 16:34
Իրանի ԱԳՆ-ում ստեղծվել է աշխատանքային խումբ, որը հյուպատոսական օգնություն կցուցաբերի այդ երկորւմ «Ուկրաինայի միջազգային ավիաուղիներ» ընկերության մարդատար «Բոինգ-737» ինքնաթիռի աղետի զոհերի ընտանիքներին։ Ինչպես հաղորդում է «Արմենպրես»-ը՝ վկայակոչելով Իրանի արտաքին քաղաքական գերատեսչության պաշտոնական կայքը, այդ մասին հայտնել է Իրանի ԱԳՆ պաշտոնական ներկայացուցիչ Աբաս Մուսավին։
Նրա խոսքով, աշխատանքային խումբը կգործի Իրանի ԱԳՆ վարչություններից մեկի կազմում։ «Հանձնարարված է զբաղվել հարցերով, որոնք կստացվեն զոհերի ընտանիքներից, և մատուցել անհրաժեշտ ծառայությունները»,- ասել է Մուսավին։
Ինչպես ասվել է Իրանի զինված ուժերի գլխավոր շտաբի հայտարարության մեջ, «Մարդկային սխալի հետևանքով և պատահականորեն այդ ինքնաթիռը խոցվել է»։ Ըստ հայտարարության՝ ինքնաթիռը խոցվել է, քանի որ այն կարևոր ռազմական օբյեկտին մոտ է թռել։ Նշվում է նաև, որ դա տեղի է ունեցել «բարձրացված մարտական պատրաստվածության» պայմաններում՝ կապված Իրանի հրթիռային հարվածներին ԱՄՆ-ի հնարավոր պատասխանի հետ։
Իրանի նախագահ Հասան Ռոհանին պատրաստակամություն է հայտնել միջոցներ ձեռնարկել փոխհատուցման համար։ Միևնույն ժամանակ, նա հայտարարել է, որ Թեհրանը շարունակելու է ինքնաթիռի վթարի հետաքննությունը։
Հունվարի 8-ին «Ուկրաինայի միջազգային ավիաուղիներ» ընկերության մարդատար «Բոինգ-737 ինքնաթիռը կործանվել էր Իրանի օդանավակայանի մոտակայքում։ Անձնակազմի անդամները և բոլոր ուղևորները՝ 176 մարդ, զոհվել են։
