02.07.2026 | 12:25
Դուք շուտով կստանաք լրացուցիչ 18 մլն եվրո՝ օգնելու բազմազանեցնել առևտուրը․ Ուրսուլա ֆոն դեր Լայեն․ ՏԵՍԱՆՅՈՒԹ
Առաջին և երկրորդ երեխայի ծննդյան նպաստի չափը սահմանվեց 300 հազար դրամ. ՏԵՍԱՆՅՈՒԹ
Հասարակություն
09.01.2020 | 14:01
Առաջարկում ենք առաջին և երկրորդ երեխայի ծննդյան կապակցությամբ նշանակվող միանվագ նպաստի չափը սահմանել 300 հազար դրամ։ Այս մասին Կառավարության նիստի ժամանակ ասաց ՀՀ աշխատանքի և սոցիալական հարցերի նախարար Զարուհի Բաթոյանը։
«Նախկինում գործող իրավակարգավորումների համաձայն՝ երեխայի ծննդյան միանվագ նպաստի չափերը տարբերակված էին, մասնավորապես, նպաստի չափը առաջին երեխայի ծնվելու դեպքում սահմանված էր 50 հազար դրամ, երկրորդ երեխայի դեպքում` 150 հազար դրամ: Համաձայն ներկայացված նախագծի՝ առաջարկվում է 2020 թվականի հուլիսի 1-ին և դրանից հետո ծնված առաջին և երկրորդ երեխայի ծննդյան կապակցությամբ նշանակվող միանվագ նպաստի չափը սահմանել 300 հազար դրամ»,- ասաց Բաթոյանը։
Նախարարը տեղեկացրեց, որ մյուս նախագծով առաջարկվում է կարգավորել «Պետական նպաստների մասին» ՀՀ օրենքով սահմանված՝ մինչև 2 տարեկան երեխայի խնամքի նպաստի չափն և այն ավելացնել՝ 18 հազար դրամի փոխարեն դարձնելով 26 հազար 500 դրամ։
«Այս կարգավորումն ուժի մեջ կմտնի 2020 թվականի հուլիսի 1-ից, բայց կտարածվի այդ պահին շահառու հանդիսացող բոլոր քաղաքացիների վրա։ Մենք նախատեսում ենք այս նպաստը սահմանել գյուղական համայնքներում ապրող քաղաքացիների համար՝ մի տարբերությամբ, որ նրանք այս նպաստը կստանան անկախ իրենց աշխատելու հանգամանքից։ Ընդ որում՝ աշխատելու դեպքում նպաստը կկրկնապատկվի»,- նշեց Բաթոյանը։
Մանրամասները՝ տեսանյութում։
