27.09.2026 | 08:00
ՏԻՄ ընտրությունները մեկնարկեցին հանրապետության չորս համայնքներում
Ռոբերտ Քոչարյանը, ՀՀԿ-ն, ՀՅԴ-ն, ուզում են մեզ հետ գործարքի մեջ մտնել. Ալեն Սիմոնյանը մանրամասնում է Նիկոլ Փաշինյանի ասածները. ՏԵՍԱՆՅՈՒԹ
Քաղաքականություն
24.12.2019 | 19:00
ՀՀԿ-ն, ՀՅԴ-ն և Ռոբերտ Քոչարյանը ցանկանում են օրվա իշխանությունների հետ գործարքի մեջ մտնել: Այս մասին Factor TV-ի հետ զրույցում ասաց ՀՀ ԱԺ փոխնախագահ Ալեն Սիմոնյանը՝ պատասխանելով հարցին, թե ո՞ւմ նկատի ուներ վարչապետ Նիկոլ Փաշինյանը, երբ Կառավարության նիստի ժամանակ հայտարարեց՝ կան ուժեր, որոնք սպառնում են գործարքի չգնալու դեպքում ընդդիմադիր դաշտ տեղափոխվել:
«Խոսքը գրեթե բոլոր այն ուժերի մասին է, որոնք ամենախիստ քննադատի կերպարում են»,- մանրամասնեց Սիմոնյանը:
Դիտարկմանը, որ օրվա իշխանություններին ակտիվ քննադատում են ՀՀԿ-ն, Դաշնակցությունը և նախկին նախագահ Ռոբերտ Քոչարյանը, ԱԺ փոխնախագահ Ալեն Սիմոնյանն արձագանքեց. «Դե ասացիք, էլի: Իրենք ցանկանում են մեզ հետ գործարքի մեջ մտնել: Բոլորն ուզում են մեզ հետ գործարքի մեջ մտնել: Մեկն ուզում է ինդուլգենցիա ստանալ, մեկը՝ չդատվել, մյուսն ասում է՝ ես հեռուստաալիք ունեմ, ձեզ կքննադատեն, թեկուզ ես երկրում չեմ, եկեք ինձ թույլ տվեք՝ հանգիստ ասեմ: Այն մյուսն էլ ասում է՝ ինձ մի քանի նախարարություն և մարզպետարան տվեք, որ լռեմ»:
Հարցազրույցն ամբողջությամբ՝ տեսանյութում:
Նարեկ Կիրակոսյան
