15.11.2024 | 10:50
Որոշակի հրմշտոց է եղել. Սանոսյանը՝ ՊՊԾ նախկին պետի և Ավինյանի աներոջ մասնակցությամբ միջադեպի մասին․ ՏԵՍԱՆՅՈՒԹ
«Դաշնամուրի ու ջութակի տասը սոնատները և ժամանակի երաժշտական աշխարհը». համերգաշար` նվիրված Լյուդվիգ վան Բեթհովենի ծննդյան 250-ամյակին
Մշակույթ
24.12.2019 | 17:07
ՀՀ ԿԳՄՍՆ-ից տեղեկացնում են, որ Արամ Խաչատրյանի տուն-թանգարանում կմեկնարկի «Դաշնամուրի ու ջութակի տասը սոնատները և ժամանակի երաժշտական աշխարհը» համերգաշարը` նվիրված գերմանացի կոմպոզիտոր Լյուդվիգ վան Բեթհովենի ծննդյան 250-ամյակին: Յուրաքանչյուր համերգի ընթացքում կկատարվեն կոմպոզիտորի սոնատներից, ինչպես նաև իր ժամանակի երաժշտական գլուխգործոցներից:
«Առաջին համերգի ընթացքում Խաչատրյան Տրիոյի երաժիշտներ Արմինե Գրիգորյանի (դաշնամուր) և Կարեն Շահգալդյանի (ջութակ) կատարմամբ կհնչի Լյուդվիգ վան Բեթհովենի 1798 թ. գրված «Սոնատ դաշնամուրի և ջութակի համար» ստեղծագործությունը:
Համերգին կմասնակցեն նաև Հայաստանի պետական սիմֆոնիկ նվագախմբի երաժիշտները՝ Ռիմա Միրզոյան (ջութակ), Արմեն Թորոսյան (ալտ), Սիփան Թորոսյան (թավջութակ): Համերգի հատուկ հյուրերն են Հակոբ Ջաղացպանյանը (կիթառ) և ԵՊԿ ուսանողուհի Մարիա Մաճկալյանը (ջութակ):
Երեկոյի ընթացքում կկատարվեն նաև Յոհան Սեբաստիան Բախի, Ջովաննի Բատիստա Վիոտտիի, Լուիջի Բոկերինիի և Յոզեֆ Հայդնի ստեղծագործություններից:
Առաջին համերգը տեղի կունենա դեկտեմբերի 26-ին` ժամը 19:00-ին, Արամ Խաչատրյանի տուն-թանգարանում: Համերգաշարը կշարունակվի նաև 2020 թվականին»,- ասված է հաղորդագրությունում:
