26.09.2026 | 20:38
Քաղաքացին ընկել է ջրհորը. նա հոսպիտալացվել է
«Իմ քայլին» ձայն կտա քաղաքացիների 61.3%-ը, ՀՀԿ-ին՝ 1.5%-ը․ հետազոտության արդյունքներ. ՏԵՍԱՆՅՈՒԹ
Քաղաքականություն
23.12.2019 | 11:51
«Հայաստանը պետք է ունենա հավասար հարաբերություններ ազդեցության կենտրոնների հետ, կարծում է քաղաքացիների 29.9%-ը: Մինչդեռ 29.7%-ը Ռուսաստանի հետ ինտեգրումն է նախընտրում, Եվրոպական միության հետ ինտեգրումը՝ հարցվածների 21.1%-ը, ԱՄՆ-ի հետ ինտեգրման կողմնակից է 15%-ը»,- նոյեմբերին անցկացված հետազոտության արդյունքները ներկայացրեց GALLUP international association-ի Հայաստանում լիիրավ անդամ Էմ Փի Ջի ՍՊԸ տնօրեն Արամ Նավասարդյանը։
Հարցմանը մասնակցել է 1517 քաղաքացի, հետազոտության ընտրանքային սխալը +/- 2.5% է:
Ըստ հետազոտությունների արդյունքների՝ արտախորհրդարանական ընդդիմությանը «լիովին վստահում է» 5.2%-ը, «ավելի շուտ վստահում է» քաղաքացիների 13.6%-ը։ Խորհրդարանական ընդդիմությանը «լիովին վստահում է» 7%, «ավելի շուտ վստահում է»՝ 21.7%-ը, իշխանությանը՝ 19.4%-ը, «ավելի շուտ վստահում է»՝ 38.1%-ը: Վարչապետ Նիկոլ Փաշինյանին «լիովին վստահում է» հարցվածների 46.6%-ը, «ավելի շուտ վստահում է» 38.5%-ը։
Քաղաքացիներին հարց է ուղղվել նաև՝ եթե ԱԺ ընտրությունները լինեին վաղը, ո՞ր քաղաքական ուժի օգտին կքվեարկեին: Հարցման արդյունքների համաձայն, ըստ Արամ Նավասարդյանի, «Իմ քայլը» դաշինքի օգտին կքվեարկի 61.3%-ը, ԲՀԿ-ի օգտին՝ 14.2%-ը, «Լուսավոր Հայաստանի»՝ 3.9%, ՀՅԴ-ին ձայն կտա հարցվածների 2.5%-ը, ՀՀԿ-ի օգտին՝ 1.5%, «Սասնա Ծռեր» կուսակցության օգտին՝ 1.1%-ը:
Մանրամասները՝ տեսանյութում:
Ռոբերտ Անանյան
