07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Սպասում եմ արտգործնախարարի բացատրություններին և ներողությանը. Լևոն Բարսեղյան. ՏԵՍԱՆՅՈՒԹ
Հասարակություն
18.12.2019 | 17:01
Ժնևում եղել է Հայաստանում մարդու իրավունքների իրավիճակի վերաբերյալ քաղաքացիական հասարակության պատրաստած զեկույցի նախալսում: ՀԿ-ների ներկայացուցիչների ելույթներին հաջորդել է ՄԱԿ-ում ՀՀ ներկայացուցիչ Նաիրի Պետրոսյանի ելույթը, որը կառավարության անունից խոսելով՝ ասել է, որ իրենց համար ընդունելի են միայն այն կազմակերպությունների ասածները, որոնք տեղական ֆինանսավորում են ստանում և կարծում են, որ իրենց դրսից որևէ մեկը բան չպետք է ասի: «Քաղաքացիական հասարակությունը ՄԱԿ-ի Մարդու իրավունքների խորհրդի 35-րդ շրջանում Հայաստանի Համընդհանուր պարբերական դիտարկմանն ընդառաջ» վերտառությամբ հանրային քննարկման ժամանակ պատմեց Գյումրիի ժուռնալիստների «Ասպարեզ» ակումբի խորհրդի նախագահ Լևոն Բարսեղյանը:
«Նա իր ելույթում հասկացրել է, որ օտարերկրյա գործակալների հետ ՀՀ-ն գործ չունի, ուշադրություն դարձրեք՝ ոչ թե միջազգային գործընկերների, այլ օտարերկրյա գործակալների, և օգտագործել է մի երկու բառ՝ տնական և բնական ՀԿ-ներ: Այս մարդն աշխատել է Սերժ Սարգսյանի մոտ որպես ռեֆերենտ, և մեկուկես տարում մտածողությունը չի փոխել: Կառավարության տեսակետ է փորձել ներկայացնել մարդը»,- հավելեց նա:
Բարսեղյանն ասաց՝ հետաքրքիր կլիներ իմանալ ԱԳ նախարարությունից, թե որ կազմակերպություններին են իրենք համարում տնական և բնական:
«Գուցե այն կազմակերպություններին, որոնք իրենք Բաղրամյան 26-ում աճեցրել են: Թող ասեն ահա նրանք են: Այս խայտառակության վերջը պիտի տրվի, առանց սրա մեր գործունեությունը կարող է անարդյունավետ լինել: Անձամբ ես սպասում եմ արտգործնախարարի բացատրություններին և ներողությանը»,- նշեց Լևոն Բարսեղյանը:
Մանրամասները՝ տեսանյութում:
Ռոբերտ Անանյան
