01.04.2026 | 20:30
Ես ուզում եմ՝ իշխանության գա ուժ, որը, կհետաքննի պատերազմը, և մարդիկ կիմանան՝ ինչ է կատարվել․ Իզաբելլա Աբգարյան. ՏԵՍԱՆՅՈՒԹ
Միջազգային երիտասարդական գիտական օլիմպիադայից հայ աշակերտները վերադարձել են բրոնզե մեդալով
Հասարակություն
17.12.2019 | 21:37
ՀՀ ԿԳՄՍ նախարարությունից տեղեկացնում են, որ Քաթարի կրթության և բարձրագույն կրթության նախարարության հրավերով մեր աշակերտները մասնակցել են Դոհայում կայացած «Միջազգային երիտասարդական գիտական օլիմպիադա 2019»-ին։
«Օլիմպիադան նախատեսված էր 15 տարեկան և դրանից փոքր սովորողների համար: Նրանք մրցակցել են քիմիայի, կենսաբանության և ֆիզիկայի բնագավառում: Մրցույթն անցկացվել է երկու փուլով՝ աշակերտները հանձնել են տեսական, ապա գործնական թեստեր:
«Միջազգային երիտասարդական գիտական օլիմպիադա 2019»-ին Հայաստանի Հանրապետությունից մասնակցելու հայտ էին ներկայացրել Արմավիրի մարզի Վաղարշապատի Խ.Աբովյանի անվան թիվ 4 հիմնական դպրոցի 9-րդ դասարանի աշակերտներ Անի Մհերի Մանուկյանը, Վահան Ժոզեֆի Սարգսյանը, Գայանե Արմենի Վարդանյանը: Հայաստանի թիմը, հաղթահարելով մրցույթի բոլոր փուլերը, վերադարձել է Հայաստան՝ 1 բրոնզե մեդալով»,- ասված է հաղորդագրությունում:
