02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
Իրենք դավաճանել են հեղափոխությանը, հիմա էլ ասում են՝ կներեք, ճգնաժամ է․ Վարուժան Ավետիսյան. ՏԵՍԱՆՅՈՒԹ
Քաղաքականություն
11.12.2019 | 15:13
«Մեր ներկա իշխանությունը պետք է որոշում կայացնի կամ համակարգի հետ ես, կամ ժողովրդի ու պետության հետ ես։ Հակառակ պարագայում իրենք էլ են դառնալու այդ գործընթացի ամբողջական պատասխանատուները բառիս վատ իմաստով։ Ասել, որ մեզ այսքան տոկոս ձայն են տվել մենք ինչ ուզենք կանենք՝ պետք է վերջ տալ այդ պարզամտությանը։ Մանդատը տվել են, որ անես այս, այս այս, այս, ոչ թե, որ ինչ ուզես, մտքիցդ ինչ փչի անես, ինչպես որ մեր ԱԺ-ում անում են։ Օրինակ՝ ի՞նչ է նշանակում այս չակերտավոր օրենքը Սահմանադրական դատարանի դատավորներին պետական կաշառք տալու միջոցով նրանց ՍԴ-ից հեռացնելու վերաբերյալ»,- այս մասին այսօր Factor.am-ի հետ զրույցում ասաց «Սասնա Ծռեր» կուսակցության քարտուղարության համակարգող Վարուժան Ավետիսյանը։
Նրան ասացինք, որ իշխանությունները Սահմանադրական դատարանի դատավորներին վաղաժամ թոշակի ուղարկելու այս օրենքով պնդում են, թե ճգնաժամ են լուծելու․ «Ճգնաժամը իրենք են հարուցել, հեղափոխություն չանելով ճգնաժամ են հարուցել, իրենք պետք է հեղափոխություն անեին, իրենք չեն արել հեղափոխություն, իրենք, կներեք, դավաճանել են հեղափոխությանը, հիմա էլ ասում են՝ կներեք, ճգնաժամ է»,- արձագանքեց Ավետիսյանը։
Մանրամասները՝ տեսանյութում։
Լիլիթ Շաբոյան
