05.06.2026 | 09:55
Ռուբլին արժեզրկվում է․ արտարժույթների փոխարժեքները՝ հունիսի 5-ի դրությամբ
Կես րոպեում ավերվեց հանրապետության գրեթե ողջ հյուսիսային հատվածը. լրացավ 1988թ.-ի երկրաշարժի 31-րդ տարելիցը
Հասարակություն
07.12.2019 | 10:55
31 տարի առաջ այս օրը՝ դեկտեմբերի 7-ին, տեղական ժամանակով ժամը 11:41-ին Հայաստանի հյուսիսային մասում խոշոր երկրաշարժ գրանցվեց: Երկրաշարժի ուժգնությունը կազմել էր 6,8[2]-7,2[3] մագնիտուդ, իսկ ըստ Մեդվեդև-Սպենհոյեր-Կարնիկի սանդղակի՝ մակրոսեյսմիկ ինտենսիվությունը X ՝արտասովոր կործանարար։
Ստորգետնյա հզոր ցնցումների հետևանքով կես րոպեում ավերեց հանրապետության գրեթե ողջ հյուսիսային հատվածը, որտեղ ապրում էր շուրջ 1 մլն մարդ։ Երկրաշարժի էպիկենտրոնում՝ Սպիտակում, ցնցումների ուժգնությունը հասել էր մինչև 9-10 բալ (ըստ MSK-64 12 բալանոց սանդղակի)։ Ստորգետնյա ցնցումներն զգացվել են Երևանում և Թբիլիսիում։
Երկրաշարժի արդյունքում լիովին ավերվել էր Սպիտակ քաղաքն ու 58 գյուղ, մասամբ ավերվել են Լենինական (ներկայում՝ Գյումրի), Ստեփանավան, Կիրովական (ներկայում՝ Վանաձոր) քաղաքներն ու ավելի քան 300 բնակավայրեր։
Զոհվեց 25 հազարից ավելի մարդ, 500 հազարը մնացին անօթևան։ Շարքից դուրս եկավ բնակֆոնդի 17 տոկոսը` շուրջ 8 միլիոն քառակուսի մետր բնակելի տարածություն։
Երկրաշարժի օրերին Հայաստանին համակողմանի օգնություն ցույց տվեց աշխարհի ավելի քան 113 երկիր և 7 միջազգային կազմակերպություն։
Նշենք, որ այս տարի, Կառավարության որոշմամբ, աղետի գոտու խնդիրների լուծման համար 3 մլրդ դրամ է հատկացվել։
