02.02.2026 | 12:51
ՊՆ վարչական համալիրում դիմավորել են պաշտոնական այցով ՀՀ ժամանած Հնդկաստանի ԶՈՒ պաշտպանության շտաբի պետին
Զինծառայող Արթուր Աջամյանի մահը որակված է սպանություն․ Անդրանիկ Քոչարյան. ՏԵՍԱՆՅՈՒԹ
Հասարակություն
04.12.2019 | 16:54
Դեկտեմբերի 2-ին Արցախի բանակի մարտական հենակետերից մեկում մահացած եզդի զինծառայող Արթուր Աջամյանի հարազատները և համագյուղացիները դադարեցրին ԱԺ շենքի մոտ բողոքի ակցիան։
Հիշեցնենք, նրանք պահանջում էին պեական մարմիններից հայտնել, թե ով է սպանել իրենց զավակին։
«Կասկած չունենաք, որ ամեն ինչ կլինի արդարության սկզբունքները պահելով»,- դիմելով զինծառայողի հարազատներին՝ ասաց ԱԺ Պաշտպանության և անվտանգության հանձնաժողովի նախագահ Անդրանիկ Քոչարյանը։
Զինծառայողի հորեղբայրը պատասխանեց․ «Չենք սպասում, որ վարչապետ Նիկոլ Փաշինյանը գա Ագզային ժողով, այդքանով վստահում ենք պարոն Քոչարյանին ու գնում ենք»։
Անդրանիկ Քոչարյանը տեղեկացրեց, որ Պաշտպանության և անվտանգության հանձնաժողովն էլ է ներգրավվում իրավական գործընթացում։ «Հայտնի դարձավ, որ Արթուր Աջամյանի մահը որակված է սպանություն և շատ վտանգավոր են այն հրապարակումները, թե տեղի է ունեցել ինքնասպանություն։ Դա անմարդկային է։ Երբ չիմացած բանին որակում են տալիս․․․ խառնեցին հարազատների հոգեկան աշխարհը։ Մի դժբախտություն ունեին, տասն էլ ավելացրին։ Քննությունն ընթանում է սպանության հոդվածով»,- ասաց Անդրանիկ Քոչարյանը։
Մանրամասները՝ տեսանյութում:
