07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Ո՞վ չի տիրապետում ինֆորմացիային․ «համապատասխան» բանավեճ Ծառուկյանի և Մարությանի միջև. ՏԵՍԱՆՅՈՒԹ
Քաղաքականություն
04.12.2019 | 19:14
Աբովյան 5 հասցեում ենք, սա ԲՀԿ ղեկավար Գագիկ Ծառուկյանի ընտանիքին պատկանող «Մուլտի Գրուպ» ընկերության կողմից կառուցվելիք այն հյուրանոցն է, որն արդեն մի քանի օր է, ինչ դարձել է քաղաքապետ Հայկ Մարությանի և Գագիկ Ծառուկյանի հեռակա բանավեճի պատճառ։
Քաղաքապետը պնդում է՝ շինության երկու հարկերը անօրինական են կառուցվել, Գագիկ Ծառուկյանը հակադարձում է, որ հենց Մարությանն է թույլատրել այդ հատվածում բարձրահարկ շենք կառուցել։ Կողմերը միմյանց մեղադրում են իրավիճակին ու ինֆորմացիային չտիրապետելու համար։
ԲՀԿ ղեկավար Գագիկ Ծառուկյանը դեռևս այս տարվա մարտ ամսին ԱԺ-ում ճեպազրույցի ժամանակ ասել էր, որ Երևանի քաղաքապետ Հայկ Մարությանը շինարարություններից և ներդրումներից չի հասկանում․ «Համապատասխան քաղաքապետը պրոբլեմներ ա ստեղծում շինարարության համար»։
Նախօրեին քաղաքապետ Հայկ Մարությանը իր հերթին ասաց, որ Ծառուկյանը ինֆորմացիային չի տիրապետում, այդ շենքի շինարարությունը, որի մասին Ծառուկյանը խոսում է ոչ թե քաղաքապետարանն է կասեցրել, այլ դատարանը քանի որ բնակիչներից մեկը հայց է ներկայացրել։
Քաղաքապետը այսքանով չսահմանափակվեց, նա ասաց, որ Աբովյան 5-ում կառուցվող այս շենքը անօրինական է, քանի որ Տարոն Մարգարյանից ստացել են միայն մեկ հարկ կառուցելու իրավունք։
Մարությանի հարցազրույցը ևս անպատասխան չմնաց։ ԱԺ-ում այսօր ԲՀԿ ղեկավարը փաստաթղթեր հրապարակեց ու ասաց ոչ թե Ծառուկյանը, այլ քաղաքապետը չի տիրապետում ինֆորմացիային։ Նա Մարությանի ստորագրությամբ փաստաթուղթ հրապարկեց և պնդեց, որ նա թույլատրել է բարձրահարկ շենք կառուցել։
Բանավեճի երկրորդ փուլում արդեն խոսնակներին էին էկրաններին։ Քաղաքապետի խոսնակ Հակոբ Կարապետյանը լրագրողներին ասաց Ծառուկյանի հրապարակած փաստաթուղթը նախագծի թույլտվությանն է, իրենք շինարարական թույլտվության դիմում չեն տվել։
Քաղաքապետի խոսնակը տեղեկացրեց, որ երբ դեռ քաղաքապետ էր Տարոն Մարգարյանը, շենքի կառուցապատողները երկու անգամ տուգանվել են ինքնակամ շինարարություն իրականացնելու համար։ Մինչդեռ Գ․ Ծառուկյանի խոսնակ, Աժ պատգամավոր Իվետա Տոնոյանը բացառում է, որ կարող էր ապօրինի որևէ գործըթնաց լինել։
Տեղակացնենք նաև, որ այսօր այս հեռակա վեճի պատճառով ԱԺ-ում ԲՀԿ-աական պատգամավորները բոյկոտեցին նիստը և հեռացան ԱԺ դահլիճից, բացի այդ, նաև ԱԺ նախագահին է ուղարկվել ԼՀԿ և ԲՀԿ պատգամավորների ստարոգրություններով գրությունը, որով պահանջում են քննիչ հանձնաժողով ստեղծել և ստուգել քաղաքապետարանի նվիրատվություններում առկա կոռուպցիոն ռիսկերը։ Սա ենթադրում է, որ այս հեռակա հակամարտությունը առաջիկայում նոր զարգացումներ կունենա։
Մանրամասները՝ տեսանյութում։
Լիլիթ Շաբոյան
