15.10.2026 | 12:34
Խնդիր եմ դրել՝ մինչև 2031թ․ վավերացնել խաղաղության պայմանագիրը. Փաշինյան․ ՏԵՍԱՆՅՈՒԹ
Զորի Բալայանի «Արմենիա. «ծովից ծով» գրքի մոտիվներով նկարահանվել է «Իմ սփռված մեծ ընտանիք» վավերագրական ֆիլմը
Մշակույթ
12.10.2017 | 17:50
Ս. թ. հոկտեմբերի 13-ին, ժամը 19:00-ին, «Մոսկվա» կինոթատրոնում տեղի կունենա «Իմ սփռված մեծ ընտանիք» վավերագրական ֆիլմի պրեմիերան:
Ֆիլմը պատմում է հինգ մայրցամաքներում բնակվող սփյուռքի ներկայացուցիչների հետ «Արմենիա» առագաստանավի անձնակազմի հանդիպումները և հաղորդակցության դրվագները: Էկրանին հայտնվում են աշխարհի տարբեր երկրների հայեր, տարբեր սերունդների ներկայացուցիչներ, ովքեր ջերմորեն շփվում են անձնակազմի հետ, դրսևորելով իրենց անկեղծ սերը իրական հայրենիքի՝ Հայաստանի հանդեպ:
Ֆիլմի նպատակն է լսարանին ցուցադրել սփյուռքի յուրաքանչյուր անդամի խորին սերը Հայաստանի հանդեպ, նրանց սերտ ընդհանրությունը Հայաստանի հետ: Օտար հողում, որպես մեծ հայրենիքի մի մասնիկ, իրենց փոքրիկ հայկական անկյունը՝ ստեղծելու ձգտումը: Երիտասարդ սերունդին հայության ոգով դաստիարակելու ցանկությունը:
Կինոնկարը նկարահանվել է «Հայերը և ծովը» ՀԿ-ի և «Պայտ» ստուդիայի աջակցությամբ:
Ֆիլմի սցենարի հեղինակը և ռեժիսորը Աննա Դերձակյանն է, օպերատորներ՝ Սամվել Բաբասյան, Հայկ Բադալյան, կոմպոզիտոր՝ Վահան Արծրունին, մոնտաժի ռեժիսոր՝ Արթուր Վարսյանը:
Ֆիլմը նկարահանվել է Զորի Բալայանի «Արմենիա. «ծովից ծով» գրքի մոտիվներով:
